ئهڤرو لـ روژا دوو شهمبی رێكهفتی 23 / 12 / 2013ێ ماموستا (ملا عبدالله ویسی) سهروكێ ئێكهتیا زانایێن ئایینێ ئیسلامێ لـ كوردستانێ سهرهدانا رێڤهبهریا پهیمانگهها زانستێن ئیسلامی لـ دهوكێ كر وهاته پێشوازی كرن ژلایێ بهرێزان (سمیان عبدالخالق) رێڤهبهرێ گشتی یێ ئهوقافا پارێزگهها دهوكێ وبهرێز (محسن إبراهیم دوسكی) رێڤهبهرێ پهیمانگههێ ودیسان ژ لایێ چهند ئهندامێن ئێكهتیا زانایان لقێ دهوك (ملا عبدالغفور وملا دلشاد بێسفكی وملا سمیر عارف).. وبـ ههلكهفتنا بـ دیماهیك هاتنا خولا 40 روژی ئهوا هاتیه ڤهكرن بو 80 گوتارخینان لـ سهرانسهری پارێزگهها دهوكێ پهیڤهك پێشكێشكر و تێدا دهستخوشی لـ ماموستایان وگوتارخینێن پشكدار د ڤێ خولێ دا كر وداخازا بهردهوامی دانا ڤهكرنا ڤان جوره خولان كر، دیسان داخازا سهركهفتنێ و پتر پێشڤهبرنا ئاستێ گوتارێ كر ...
راگههاندنا ئێكهتیا زانایان