حاجی جابر – راگه‌یاندنی ئه‌وقافی ئاكرێ‌

 رۆژا دووشه‌مبی ریكه‌فتی 12 ره‌بیع الاول سال 1435 مشه‌ختی به‌رامبه‌ر 2014/1/13 زاینی ول ده‌مژمیر ده‌هی سپیدی ریڤه‌به‌ریا مئه‌وقافا ئاكرێ‌ بهه‌ماهه‌نگی دگه‌ل لقی ئاكری یا ئیكه‌تیا زانایین ئایینی ئیسلاما كوردستانی ئاهه‌نگه‌كا ئایین یا زۆر فراوان ل مزگه‌فتا مه‌زن سه‌نته‌ری قه‌زا ئاكری گیرا ب هه‌لكه‌فتا یادا ل دایك بونا فه‌خری كائینات پیغه‌مبه‌ری مه‌ محمد سلاڤین خودی لی بن و بئاماده‌بونا قائممقامی قه‌زا ئاكری وریڤه‌به‌ری گشتی یی ئه‌وقاف وكاروبارین ئایینی ل پاریزگه‌ها دهوك وبه‌رپرسین فه‌رمانگه‌هین میری وحزبی ومامۆستایین ئایینی وخه‌لكه‌كی ئیكجار زۆر یی ده‌ڤه‌ری ئاهه‌نگه‌كه‌ ب چه‌ند ئایه‌ته‌ك ل قورئانا پیرۆز ده‌ست پی كر وپاشان بابه‌ته‌كی ئایینی ژلایی مامۆستا مه‌لا محمد احمد الامام هاته‌ پیشكه‌ش كرن وبچه‌ند سرودین ئایینی هاته‌ خه‌ملاندن ولدوماهیی دا چه‌ند دوعا هاتنه‌ خاندن ویاهه‌ژی گوتنی یه‌ كه‌ ریڤه‌به‌ریا مه‌ ولقی ئاكری یی زانایان بۆ ماوی چه‌ند رۆژانه‌ به‌رنامه‌یه‌كی تایبه‌ت دانایه‌ بۆ ڤی رۆژا پیرۆز وخوش به‌ختانه‌ بریك و پیكی هاته‌ ئه‌نجامدان كه‌ چوار ئاهه‌نگین ئایینی هاتنه‌ گیران ئیك ژوان ل مزگه‌فتا مه‌زن ل سه‌نته‌ری قه‌زا ئاكری كه‌ لسه‌ری ریوره‌سمین وی هاتنه‌ به‌حس كرن و سی ئاهه‌نگین ئایینی ل مزگه‌فتین مه‌زنین سه‌نته‌ری ناحیین (بجیل ودینارته‌ وگرده‌سین ) لهه‌مان كات دا هاتنه‌ ئه‌نجامدان و ئاماده‌بونا خه‌لكه‌كی ئیكجار زۆر بۆ یادكرنا ڤی رۆژی ل ئاهه‌نگین ئه‌ڤرۆ وڤه‌گوهاتنا ریوره‌سمین وی ژلایی ده‌زگه‌هین راگه‌هاندنی ڤه‌ نیشانا دل سوزیی یه‌ بۆ ئایینی ئیسلاما پیرۆز .