راگه‌‌یاندنی لق: مه‌‌لا مژده‌ ‌شوانی.

سه‌ر له‌ ‌به‌یانی رۆژی دووشه‌ممه‌ به‌‌رواری 20/1/2014 له‌ ‌مه‌راسیمیَكی شایسته‌‌و كه‌م ویَنه‌‌داو وه‌‌ك به‌‌شیَك له‌ ‌كارو چالاكیه‌‌كانی بۆ یادی له‌‌دایك بونی په‌‌یامبه‌‌ری ئیسلام محمد (درودی خوای له‌ سه‌ ر) به‌ ‌ئاماده‌‌بونی سه‌‌رۆكی یه‌‌كیَتی زانایانی كوردستان و چه‌‌ندین به‌‌رپرسی حیزبی وحكومی و زانایانی ئاینی و جه‌‌ماوه‌‌ریَكی زۆر، لقی چه‌‌مچه‌‌مالی یه‌‌كیَتی زانایان خه‌‌لاتی ریَزلینانی به‌‌خشیه‌‌ (35) له‌‌و كه‌‌سایه‌‌تی و ده‌‌زگایانه‌‌ی كه‌ ‌له‌ ‌رابوردودا شوین ده‌‌ستیان دیاربوه‌ ‌له‌ ‌خزمه‌‌تكردنی خه‌‌ڵكی سنوره‌‌كه‌‌ به‌ هه‌‌موو چین و تویَژه‌ ‌جیاوازه‌‌كان، هەروەها وەکو رێزێك لە بەرامبەر پشتیوانی بەردەوامی لقی چەمچەمالی یەکێتی زانایان، خەڵاتی رێزلێنان بەخشرایە مەکتەبی تەنفیزی زانایان.

شایانی باسه‌ له‌‌و مه‌‌راسیمه‌‌دا جگه‌‌ له‌‌ چه‌‌ند برگه‌‌و بابه‌‌تیَكی گرنگ هه‌‌ر یه‌‌ك له‌‌ مامۆستا مه‌‌لا عبدالله سه‌‌رۆكی یه‌‌كیَتی زانایان و ماموستا شیَخ وه‌هاب سه‌نگاوی لیَپرسراوی لقی چه‌‌مچه‌‌مال و كاك ئامانج محمد قایمقامی چه‌‌مچه‌‌مال وتاریان پیَشكه‌ش كرد كه‌ تیایدا رۆلی لقی چه‌‌مچه‌‌مالی یه‌‌كیَتی زانایانیان به‌‌رز نرخاند له‌ كارو چالاكیه‌ هه‌مه‌‌ جۆره‌‌كانیان.