هه‌ر لـ دور كاودانێت نوكه‌ ریدده‌ن لـ سه‌رانسه‌رێ عیراقێ بـ گشتی ولـ كوردستانێ بـ تایبه‌تی، ئێكه‌تیا زانایێن ئاینێ ئیسلامێ لقێ دهوك بـ هه‌ڤكاری دگه‌ل رێڤه‌به‌ریا ئه‌وقافا دهوكێ رابون بـ ئه‌نجامدانا كومبونه‌كێ بو به‌رێز فه‌رهاد أمین ئه‌تروشی پارێزگه‌رێ پارێزگه‌ها دهوك دگه‌ل گوتارخینێنێن قه‌زا دهوكێ لـ روژا پێنجشه‌مبی 26/6/2014 ێ لـ هولا ئێكه‌تیا زانایان بـ ئاماده‌بونا هه‌ر ئێك ژ ماموستا ملا أنس محمد شریف سه‌روكێ ئێكه‌تیا زانایان لقێ دهوك وئه‌ندامێ په‌رله‌مانێ كوردستانا فیدرال‌و به‌رێز سمیان عبدالخالق رێڤه‌به‌رێ گشتی یێ ئه‌وقاف وكاروبارێت ئاینی لـ پارێزگه‌ها دهوك‌و به‌رێز ملا جهاد حسن بێسفكی رێڤه‌به‌رێ ئه‌وقافا قه‌زا دهوك ..

 دڤێ كومبونێدا جه‌نابێ پارێزگه‌ری دلخوشیا خو دیاركر بـ ڤان جوره‌ كومبونان‌و دڤان كاودانێت هه‌ستیاردا، دیسان بو گوتارخینان دا دیاركرن كو ئه‌ڤا چێدبیت هه‌ر ژ (كوشتنێ‌و خینرێتنێ و حه‌لالكرنا مال ونامیس وشه‌ره‌ف و ئاخا كوردان) بـ ناڤێ ئیسلامێ تاوانه‌كه‌ چ جاران و بـ هیچ شێوه‌یه‌كی ئیسلام لـ ڤان كه‌سان وڤان ده‌سته‌كان نابوریت، چونكه‌ ئه‌ڤه‌ كاره‌كه‌ ئیسلام زور یا ژێ دوره‌، له‌ورا ئه‌ركێ ماموستایێ ئاینییه‌ خه‌لكێ مه‌ تێبگه‌هینن‌و ره‌وشه‌نبیر بكه‌ن لـ دور فی بابه‌تێ بـ مه‌ترسی‌و دا دیاركرن كو ماموستایێت مه‌ چ جاران خه‌مساری نه‌كریه‌ و خو كریه‌ خودان بو به‌رچاڤكرنا ڤان تاوانان د كومه‌لگه‌هێ كوردیدا ..

- پاشان دارشتنه‌ك دا لـ سه‌ر وی رولێ پێشمه‌رگه‌هێن مه‌ پێ رادبن ژ به‌رگری كرنا ژ وه‌لاتی و دڤێت ئه‌م هه‌می ئێك ده‌ست بین دگه‌ل واندا بـ مال‌و سامان‌و خینا خو دگه‌ل وان‌و، هەروەسا داخاز ژ گوتارخینان كر رولێ پێشمه‌رگه‌هی بده‌نه‌ پێش چاڤ دگوتارێن خو یێن ئاینیێ دا و دوعا و پارپارێ ژخودایێ مه‌زن بكه‌ن هاریكارێ وانا بیت‌و سه‌ركه‌فتنێ بده‌ست وانڤه‌ بینیت ....

ژلایێ خوڤه‌ ماموستا (ملا أنس)ی دوپات لـ سه‌ر ئاخفتن‌و بوچونێت پارێزگه‌ری كر و دگه‌ل ئاینێ ئیسلامێ د گونجاینه‌ و سوپاسیا جه‌نابێ وی كر بناڤێ خو وهه‌می حازربویان ..

- گوتارخینان وه‌ك ئه‌ركه‌كێ ئاینی پشته‌ڤانیا خو دیاركرن بو پێشمه‌رگه‌هی‌و راوه‌ستان به‌رامبه‌ر ڤان ده‌سته‌كێن كوژه‌ك ...

راگه‌هاندنا ئێكه‌تیا زانایان / لقێ دهوك ...