لـ روژا سێشهمبی 24 / 6 / 2014ێ لـ كومهڵگهها تهناهیێ مزگهفتا (المؤمنون) هاته ڤهكرن ئهوا هاتیه ئاڤاكرن ژلایێ خێرخازهكیو بـ هاریكاریا رێڤهبهریا ئهوقافا دهوكێ ڤه ..
پشتی خاندنا چهند ئایهتێن قورئانا پیروز پهیڤا ئێكهتیا زانایان هاته پێشكێشكرن ژلایێ ماموستا (ملا أنس محمد شریف) سهروكێ ئێكهتیا زانایێن ئاینێ ئیسلامێ لقێ دهوكو پهرلهمانتارێ كوردستانا فیدرال، دڤێ پهیڤێدا ماموستای دا دیاركرن كو پشتی ئاڤاكرنا ئاڤاهیێ ڤێ مزگهفتێ دڤێت بێته ئاڤاكرن بـ تاعهتیو پهرستنا خودێ ژی ژلایێ خهلكێ ڤێ دهڤهرێ، ههروهسا دهست خوشیو سپاسی لـ ئاڤاكهرێ مزگهفتێ كر وژخودێ مهزن خاست ڤی كارێ پیروز بكهته د تهرازیا باشیو خێرێن وی دا .
پاشان پهیڤا رێڤهبهریا ئهوقافا دهوكێ هاته گوتن ژلایێ بهرێز (ملا جهاد حسن بێسفكی) رێڤهبهرێ ئهوقافا قهزا دهوك، تێدا سوپاسیا ئاڤاكهرێ مزگهفتا ناڤبری كر و دا دیاركرن كو رێڤهبهریا ئهوقافێ ههردهم هاریكاره بو ڤان جوره كارێن پیروز ..
پاشان پهیڤا رێڤهبهریا ئهوقافا سێمێلێ هاته خاندن ژلایێ رێڤهرێ وێ (ملا جلال رشید حاجی) ڤهو، لـ دوماهیێ چهند شریناهی هاتنه بهلاڤكرن لـ سهر ئامادهبویان .
راگههاندنا ئێكهتیا زانایان / لقێ دهوك .