رۆژی شەممە 16/5/2015 و 27ی رەجەب بە هەماهەنگی نیوان وەزارەتی ئەوقاف‌و یەكێتی زانایان بە ئامادەبوونی مامۆستایانی ئایینی‌و شێخانی تەریقەت‌و جەماوەرێكی بەرچاو لە مزگەوتی سەواف لە شاری هەولێر یادی ئیسراو میعراجی پێغەمبەری سەروەر (درودی خوای لێبێت) بەریچوەچوو.
لە ئاهەنگەكەدا دوای خوێندنی چەند ئایەتێك لە قورئانی پیرۆز، وتاری وەزارەتی ئەوقاف‌و كاروباری ئایینی لە لایەن بەرێز وەزیر كەمال موسلیم پێشكەش كراو، دواتر پارێزگاری هەولێر بەرێز نەوزاد هادی وتارێكی پێشكەش كردو، پاشان بەرێز د.عەبدوڵا مەلا سەعید سەرۆكی یەكێتی زانایان وتەیەكی پێشكەش بە ئامادەبوان كردو، بە چەند سرودیك كۆتایی بە ئاهەنگەكە هات.
هه‌ر لـ روژا شه‌مبی رێكه‌فتی 27ێ ره‌جه‌با سالا 1436ێ مشه‌ختی به‌رامبه‌ر 16 / 5 / 2015ێ زاینی وبـ هه‌لكه‌فتنا بیره‌وه‌ریا (موعجیزا ئیسرا ومیعراجێ- چوونا پێغمبه‌رێ خودێ (س.خ) بو قودسێ وبلندبونا وێ بو عه‌سمانێ حه‌فتێ) رێڤه‌به‌ریا گشتی یا ئه‌وقاف وكاروبارێن ئاینی ورێڤه‌به‌ریا ئه‌وقافا قه‌زا دهوك دگه‌ل ئێكه‌تیا زانایێن ئاینێ ئیسلامێ لقێ دهوك رابون بـ گێرانا ئاهه‌نگه‌كا مه‌زن لـ مزگه‌فتا (ملا شكری) لـ تاخێ پیشه‌سازی بـ ئاماده‌بونا به‌رێز (فه‌رهاد ئه‌مین ئه‌تروشی) پارێزگارێ دهوكێ وچه‌ند پێشكێش و ره‌وشه‌نبیر وئه‌ندام په‌رله‌مان وریسپیان وهاتنه پێشوازی كرن ژلایێ هه‌ر ئێك ژ به‌رێز (سمیان عبدالخالق) رێڤه‌به‌رێ گشتی یێ ئه‌وقاف وكاروبارێن ئاینی لـ پارێزگه‌ها دهوك وماموستا (ملا جهاد حسن بێسفكی) رێڤه‌به‌رێ ئه‌وقافا قه‌زا دهوك و(ملا إحسان رێكانی) سه‌روكێ ئێكه‌تیا زانایان لقێ دهوك ..
- باشترین ده‌ستپێك بو ڤێ یادێ چه‌ند ئایه‌ته‌ك ژ قورئانا پیروز هاتنه خاندن..
- پاشان په‌یڤا بـ خێرهاتنێ هاته پێشكێشكرن ژلایێ به‌رێز (سمیان عبدالخالق) تێدا بخێرهاتنا هه‌می مێڤانێن خوشتڤی كر، پاشان كورتیه‌ك لـ سه‌ر رویدانا (ئیسرا ومیعراج)ێ باس كر وكا چه‌وا ده‌ژمنێن دینێ ئیسلامێ رێگری لـ په‌یاما ئاشتیێ كرن وهه‌ر ئه‌و نفشێ درندانه نوكه‌ژی دوژمنی یا دینێ مه و وه‌لاتێ مه دكه‌ن وبـ پشته‌ڤانی یا خودێ وپێشمه‌رگه‌هێ قه‌رهره‌مان دێ ژ نافچن ونامینن ..
- پاشان پارێزگارێ دهوكێ ئه‌ڤ یاده لـ هه‌می موسلمانان بـ گشتی پیروزكر وموسلمانێن كوردستانێ بـ تایبه‌تی، وگوت: پێتڤی یه ئه‌م په‌ند وعیبره‌تان ژ ڤێ بیره‌وه‌ری یا پیروز وه‌ربگرین ودڤێت بزانین كو هه‌رده‌م دوژمنێن مه كوردان هه‌ر دوژمنێن ئاینێ پیروزێ ئیسلامێ بوینه وپێتڤی یه مه به‌رهه‌ڤیه‌كا باش هه‌بیت بو رێگریكرنا ڤان توندره‌وا ..
- په‌یڤا ئێكه‌تی یا زانایێن ئاینێ ئیسلامێ هاته گوتن ژلایێ (ملا إحسان رێكانی) ڤه، تێدا باس لـ ره‌حمه‌ت ودلوڤانی ورێزگرتنا پێغه‌مبه‌رێ خوشتڤی (سلاڤ لسه‌ربن) كر بو گشت نه‌ته‌وان، وداخازا سه‌ركه‌فتنێ بو ملله‌تێ كورد خاست..
- لـ دوماهیا ئاهه‌نگێ ماموستا (ملا جهاد حسن بێسفكی) رێڤه‌به‌رێ ئه‌وقافا قه‌زا دهوك مه‌زناهیا خودێ ته‌عالا وبهایێ پێغه‌مبه‌رێ وی (سلاڤێت خودێ لسه‌ربن) دا پێشچاڤ كرن دڤێ موعجیزا پری ئاموژگاری دا، و ژ خودێ خاست ئیسلامێ شرین وعه‌زیز بكه‌ت وبه‌لا نه‌یار ودوژمنا ژ مله‌تێ مه ڤه‌كه‌ت وبـ زیترین ده‌م ده‌وله‌تبونا كوردستانێ بـ كه‌ته به‌هرا ملله‌تێ كورد
هەر روژا (16/5/2015) ئێكه‌تیا زانایێن ئایینێ ئیسلامێ ب هه‌ما هه‌نگی دگه‌ل رێڤه‌به‌ریا ئه‌وقافا گشتی پارێزگه‌ها دهوكێ و لژنا قه‌زا سێمێل رابون بـ ساخ كرنا بیره‌وه‌ریا (الاسرا‌و والمعراج) لـ قه‌زا (سێمێل).
هــ بــ
