حکومەتی هەرێم گرێبەستی مامۆستایانی ئایینی خانەنشینکراو نوێ دەکاتەوە
دوای ئەوەی بەهۆی كێشەی دارایی هەرێمەوە نوێكردنەوەی گرێبەستی هاوكاری ئەو مامۆستا ئاینیە خانەنشینكراوانە راگیرابوو كە ساڵانێكی دوورودرێژی تەمەنیان بۆ خزمەتكردنی مزگەوت و شوێنەپیرۆزەكان بەسەربردبو، وەزارەتی ئەوقاف و كاروباری ئاینی حكومەتی هەرێمی كوردستان رەزامەندی سەرۆكایەتی ئەنجومەنی وەزیرانی بۆ نوێكردنەوەی گرێبەست و خەرجكردنی هاوكاریەكانیان وەرگرت.
بەپێی ئەو بڕیارەی وەزارەتەكە وەریگرتووە "289 مامۆستای ئاینی خانەنشینكراو لەسەرتاسەری هەرێمی كوردستان جگە لەموچەی خانەنشینی خۆیان موچەیەكی هاوكاری وەردەگرن بەپێی بڕوانامە و ساڵانی خزمەتیان.
هاوكات ئەم مامۆستا ئاینیاینە لە 1/1/2015وە موچەكانیان بۆ خەرج دەكرێت و ئەم هەنگاوەی وەزارەتی ئەوقاف لەپێناو باشتركردنی بژێوی ژیان و گوزەرانی مامۆستایانی ئاینی كوردستانە.