شه‌ماڵ عه‌بدوڵڵا، راگه‌یاندنی ئه‌وقافی سۆران
له درێژه‌ی كار و چالاكییه‌كانی وه‌زاره‌تی ئه‌وقاف و كاروباری ئایینی له سنوری به‌ڕێوه‌به‌رایه‌تی ئه‌وقافی سۆران به مه‌به‌ستی زیاتر خزمه‌تكردنی هاوڵاتییانی سنوره‌كه به بڕی 113.801.000 دینار (سه‌د و سێزده ملیۆن و هه‌شت سه‌د و یه‌ك هه‌زار دینار) هۆڵێكی بۆنه ئاینیه‌كان له گه‌ڕه‌كی گه‌ڵاڵه له سه‌نته‌ری قه‌زای سۆران به شێوازێكی ئه‌ندازه‌یی هاوچه‌رخ دروست ده‌كرێت.
له‌م باره‌یه‌وه وه‌یسی سه‌عید وه‌یسی به‌ڕێوه‌به‌ری ئه‌وقافی سۆران رایگه‌یاند، كه دروستكردنی ئه‌م هۆڵه زۆر پێویست بوو، ئه‌ویش له‌به‌ر زۆری بۆنه ئایینیه‌كان له سه‌نته‌ری قه‌زای سۆران، كه به دروستكرنی ئه‌و هۆڵه بارگرانییه‌كی زۆر له‌سه‌ر مزگه‌وت و هۆڵه‌كانی تر كه‌متر ده‌بێته‌وه و كاردانه‌وه‌یه‌كی باشیشی ده‌بێت بۆ دانیشتوانانی سه‌نته‌ری قه‌زای سۆران و یه‌كێكه له‌و كارو پرۆژانه‌ی له له‌لایه‌ن وه‌زاره‌تی ئه‌وقاف و كاروباری ئایینی له ده‌ڤه‌ره‌كه جێبه‌جێ ده‌كرێت. | 
