دوای ئەوەی پرسیارێك ئاراستەی لێژنەی باڵای فەتوای هەرێمی کوردستان کرا، دەربارەی حوكمی داگیر كردنى شوێنه‌ ئاینى و كۆمه‌لایه‌تیه‌كان مەبەست ئەو زەوی و زارانەی حکومەتی بەعس دەستی بەسەردا گرتبوون و تا ئێستا نەگەڕێندرانەوە بۆ خاوەنەکانیان، لێژنەی باڵای فەتوای هەرێمی کوردستان روونی کردەوە: (بێگومان داگیركردن و ده‌ست به‌سه‌رداگرتنی هه‌ر زه‌وی و شوێنێك، جا موڵكی موسڵمانان یان مه‌سیحی یا جوو وه‌یا ئێزدی و كاكه‌یی  یان هه‌ر پێكهاته‌یه‌كى تر ... دروست نییه‌و حه‌رامه‌ و بێ‌ شه‌رعیه‌، چونكه‌ موڵكی موسڵمانان و هه‌موو ئه‌و ئایین و مه‌زه‌بانه‌ی به‌ ئاشتییانه‌ له‌گه‌ڵ موسڵمانان ده‌ژین وه‌كو یه‌ك وایه‌ و، له‌ روانگه‌ی ئاینى پیرۆزى ئیسلامه‌وه‌ به‌ هیچ شێوه‌یه‌ك دروست نییه‌ موڵك و ماڵی هیچ مرۆڤێك داگیر بكرێت، به‌تایبه‌تی شوێنه‌ ئایینیه‌كان ده‌بێ له‌ كاتی شه‌رو ئاڵۆزیشدا به‌ باشترین شێوه‌ پارێزراو بن، چونكه‌ ته‌نها رێگه‌ی بسته‌ زه‌وییه‌كیش نادرێت).