لەژێر چاودێری سەماحەتی عەمار حەكیم سەرۆكی ئەنجومەنی باڵای ئیسلامی عیراق و سەرۆكی هاوپەیمانی شیعەكان لەئەنجومەنی نوێنەرانی عیراق"لەشاری مەككە رۆژى 8/9/2016 كۆنگرەی (ڕۆژی عیراق) بە بەشداری هەردوو سەرۆكی دیوانی وەقفی شیعە و وەقفی سوننە و شاندی باڵای حەج و عومرەی هەرێم و زانایانی ئیسلامی هەرێمی كوردستان و گەورە مەرجەعە سیاسی و ئیسلامیەكانی عیراق بەڕێوەچو"...
لەدەسپێكی كۆنگرەكەدا و دوایى خوێندنهوهى چهند ئایهتێك له قورئانى پیرۆز، شێخ حەمید ئهلمعەلا ئەلساعدی وتەبێژی ئەنجومەنی باڵای ئیسلامی عیراق وتاری عەمار حەكیمی پێشكەش كرد و تیایدا لەگەڵ شرۆڤەكردنی بارودۆخی ئەمرۆی عیراق "ستایشی ڕۆڵی پێشمەرگەی لەروبەڕوبونەوەی تیرۆرستان كرد بەبێ ئەوەی باسی حەشدی شەعبی بكات"دواتر هەریەكە لەسەرۆكی دیوانی وەقفی شیعە و سەرۆكی وەقفی سوننە وتاریان پێشكەش كرد و هەردوكیان تەئكیدیان لەسەر یەكپارچەیی عیراق و یەكڕیزی پێكهاتەكانیان كردەوە، دواتر مامۆستا ( د.حەسەن موفتی) ئەندامی لیژنەی بالاى فەتوای ههرێمى كوردستان وتاری شاندی هەرێمی كوردستانی بۆ ئەم كۆنگرەیە خوێندەوە و لەگەڵ ڕەخنەی لەحكومەتە یەك لەدوای یەكەكانی عیراق كرد بەرامبەر هەڵوێستی سلبیان لە مامەڵە لەگەڵ نهتهوهى كورد، و بهتایبهتیش سیاسهته سلبیهكهى حكومهتى ئێستاى عیراق كه بریارى بڕینی بوجەی پێشمەرگە و فەرمانبەرانی حكومەتی هەرێم داوه، و سیاسهتیكى دوژمنكارانه بهرامبهر به گهلى كوردستان پهیرهو دهكات، و ههروها "ئاماژەی بەرۆڵی قارەمانانەی پێشمەرگەی كوردستان و زانایانی ئیسلامی كوردستان و حكومەتی هەرێم لەڕوبەڕوبونەوەی تیرۆرستاندا كرد ، و گوتی: ئێمە زیاتر لە 1500شەهید و ههزارهها بریندارمان لەم روبەڕوبونەوەدا داوە و ئەگەر مامەڵەیەكی هاوسەنگ و تەندروستمان لەگەڵ نەكرێت ئەوا تاكە رێگایەك لە بهردهممان مابێت بڕیاردانه لەسەر چارەنوسی خۆمان و راگهیاندنى دهولهتى سهربهخۆى كوردستانه، و هیوای خواست هەموو پێكهاتەكانى عیراق بهگشتى و مەرجەعە ئیسلامیەكان و حهوزه عیلمیهكانى عیراق هاوكار و پشتیوانمان بن، چونكه مافى چارهنوس مافیكى سرۆشتیه و خواى گهوره بهههموو گهل و نهتهوهیهكى داوه و كهس ناتوانى لێ ى زهوت بكات.