یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   یەکێتی زانایان: لەگەڵ پرۆژە پێشنیاری هەمواری یاسای باری کەسی عیراق نین    *****    *****   یەکێتی زانایانی بۆ یەکەمین جار لەسەر ئاستی وڵاتانی ئیسلامی قورئان بە زمانی ئاماژە بۆ نابیستان لە مەراسیمێکدا بڵاو دەکاتەوە    *****    *****   مامۆستا مەلا حەمەئەمین سەراوی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   یەکێتی زانایانی ئایینی ئیسلامی کوردستان و قەداسەتی پاتریاک مار ئاوای سێیەم پاتریاکی کەنیسەی رۆژھەڵاتی ئاشووری لەجیھان ديدارێک ئەنجام دەدەن    *****    *****   سەرۆکی یەکێتی زانایان سەردانی سەرۆکی فەرمانگەی رێکخراوە ناحکومیەکانی هەرێم دەکات    *****    *****   مەکتەبی تەنفیزی یەکێتی زانایان کۆدەبێتەوە چەند پرسێکی گرنگ تاوتوێ دەکات    *****    *****   یەکێتی زانایانی ئایینی ئیسلامی کوردستان و بەرێوەبەرایەتی گشتی چاکسازی مەراسیمێکی رێزلێنان بۆ 58 زانایانی ئایینی ساز دەکەن    *****    *****   مامۆستا شێخ جەلال بەرزنجی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا حسن دوگۆمانی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   شاندێکی باڵای ئەنجومەنی روحانی ئێزیدی لەسەر سوکایەتیەکانی قاسم شەشۆ سەردانی مەکتەبی تەنفیزی یەکێتی زانایان دەکات    *****    *****   مامۆستا شێخ محمد خۆشکانی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   یەکێتی زانایان سکاڵای یاسایی لەسەر قاسم شەشۆ تۆمار دەکات   
 هەواڵ 

به‌یاننامه‌ی یه‌كێتی زانایان ده‌رباره‌ی تیرۆركردنی دكتۆر وشیار ئیسماعیل
به‌رواری دابه‌زاندن: 23/11/2016 : 10:21:56
قه‌باره‌ی فۆنت

به‌ناوی خوای به‌خشنده‌ی میهره‌بان


(وَسَيَعْلَمُ الَّذِينَ ظَلَمُوا أَيَّ مُنْقَلَبٍ يَنْقَلِبُونَ)


دره‌نگانی شه‌وی رابردوو 22/23-11-2016 كه‌سانێكی نه‌ناسراو هه‌ڵیانكوتاوه‌ته‌ سه‌ر ماڵی زانایی ئایینی دكتۆر وشیار ئیسماعیل پێشنوێژو وتارخوێن لە مزگەوتی عومەر بندیانی گەڕەکی شادی شاری هەولێر، به‌ گوله‌ تیرۆریان كردووه‌.


ئێمه‌ له‌ یه‌كێتی زانایانی ئایینی ئیسلامی كوردستانه‌وه‌ به‌ تووندی ئیدانه‌ی ئه‌و كاره‌ ترسنۆكه‌و تیرۆریستییه‌ ده‌كه‌ین، پێویسته‌ هه‌رچی زوو ئه‌نجامده‌رانی ئه‌و كاره‌ بدۆزرێنه‌وه‌و بدرێنه‌ دادگا.


دكتۆر وشیار وه‌ك مامۆستایه‌كی ئایینی و وتاربێژێكی كارا رۆڵێكی ئیجابی گه‌وره‌ی له‌ گۆڕه‌پانه‌كه‌ هه‌بوو، هه‌میشه‌ قسه‌كانی له‌ بواری په‌روه‌رده‌ی پێگه‌یاندن چڕ ده‌كردنه‌وه‌، هه‌روه‌ها ده‌نگێكی دلێرو به‌رزیش له‌ دژی فیكری تووندڕه‌وی و هه‌ڕه‌شه‌ی تیرۆریستان، بۆیه‌ به‌ شه‌هیدكردنی، وێڕای ئه‌وه‌ی چووه‌ كاروانی شه‌هیدانی مزگه‌وت و مینبه‌ر، له‌ هه‌مان كاتدا خه‌ساره‌تێكی گه‌وره‌ی نیشتیمانی و مرۆیی و كۆمه‌ڵایه‌تیش بوو، چونكه‌ رۆژگاری پڕ له‌ گێژاوی ئه‌مڕۆ پێویستی به‌و ده‌نگه‌ هێمن و بنیاتنه‌رانه‌ هه‌یه‌، به‌مه‌ش تیرۆركردنی دكتۆر وشیار ته‌نها له‌ دژی خانه‌واده‌كه‌ی نه‌بوو، به‌ڵكو دژی ده‌نگی مینبه‌رو مزگه‌وت و خه‌ڵكی كوردستان به‌ گشتی و هه‌ولێر به‌تایبه‌تی بوو.


لێره‌وه‌ داوا له‌ دام و ده‌زگا ئه‌منیه‌كانی حكومه‌تی هه‌رێم ده‌كه‌ین به‌ زووترین كات تاوانباران بدۆزرێنه‌وه‌و، پیشانی هه‌موو دونیای بده‌ن كه‌ تاوانباران هه‌ر كێ بن و له‌ هه‌ر كوێیه‌ك بن ده‌بێ به‌ سزای خۆیان بگه‌ن، به‌ پێچه‌وانه‌وه‌ گه‌وره‌ترین نیگه‌رانی له‌ ناخی خه‌ڵك و هاوڵاتیان دروست ده‌كات، ئه‌مه‌ش ده‌ره‌نجامێكی گه‌وره‌ی بێ متمانه‌یی دروست ده‌كات، كه‌ به‌ زیانی هه‌موو خه‌ڵكی كوردستان ده‌گه‌ڕێته‌وه‌، به‌تایبه‌تی تیرۆركردنی زانایانی مێزه‌ر سپی مه‌ترسی و پێشینه‌یه‌كی زۆر خه‌ته‌رناكه‌و هه‌ڕه‌شه‌كی گه‌وره‌و راسته‌وخۆیه‌ بۆ سه‌ر برایه‌تی و ته‌بایی و پێكه‌وه‌ژیان و ئاشتی كۆمه‌ڵایه‌تی.


یه‌كێتی زانایانی ئایینی ئیسلامی كوردستان


23/11/2016