رۆژی (11/10/2010) كونسوڵگه‌ری ئێران له هه‌ولێر سه‌ردانی مه‌كته‌بی ته‌نفیزی یه‌كێتی زانایان ده‌كات.
كونسولگه‌ری ئێران سه‌ید عه‌زیمی حوسێنی به یاوه‌ری ئاغای ره‌مه‌زانی سه‌ردانی مه‌كته‌بی ته‌نفیزی یه‌كێتی زانایانیان كرد‌و، له‌لایه‌ن سه‌رۆك‌و جێگری سه‌رۆكی زانایان‌و چه‌ند ئه‌ندامێكی مه‌كته‌بی ته‌نفیزی پێشوازیان لێكرا.
مه‌لا عه‌بدوڵا مه‌لا سه‌عید سه‌رۆكی یه‌كێتی زانایان به گه‌رمی به‌خێرهاتنی كونسوڵی ئێرانی كرد‌و، پێی راگه‌یاند یه‌كێتی زانایان هه‌میشه ده‌رگای واڵایه بۆ دروستكردنی په‌یوه‌ندی به‌رده‌وام له نێوان یه‌كێتی زانایان‌و سه‌رجه‌م ناوه‌نده ئیسلامییه نێوده‌وڵه‌تیه‌كان، به‌تایبه‌تی كۆماری ئیسلامی ئێران كه خاڵی هاوبه‌شمان یه‌كجار زۆرن‌و، سوپاسی كردن بۆ ئه‌و هه‌نگاوه‌ی هاوێشتوویانه بۆ په‌یوه‌ندی به‌رده‌وام له نێوان هه‌ردوولا.
هه‌ر له دانیشتنه‌كه سه‌رۆكی زانایان نیگه‌رانی خۆی ده‌ربڕی له به‌رامبه‌ر ئه‌و كرده‌وه تیرۆریستیانه‌ی له ئێران روویدا به‌تایبه‌تی رووداوه‌كه‌ی شاری مه‌هاباد‌و سنه، كه ته‌واو پێچه‌وانه‌ی ئایینی پیرۆزی ئیسلام‌و بنه‌ما مرۆییه‌كانه، هه‌روه‌ها سه‌رۆكی زانایان ته‌ئكیدی له‌سه‌ر خسوسیه‌تی هه‌رێمی كوردستان كرده‌وه، له رووی مه‌زهه‌بی‌و نه‌ته‌وه‌یی‌و ئایینی‌و ئه‌منییه‌وه، بۆیه پێویسته هه‌موو لایه‌ك به‌و لایه‌نه‌وه مامه‌ڵه له‌گه‌ڵ هه‌رێمی كوردستان بكه‌ن.
كونسولگه‌ری ئێران پشتیوانی له قسه‌كانی سه‌رۆكی یه‌كێتی زانایان كرد‌و، هه‌ردوولاش بڕیاریاندا به دانانی به‌رنامه‌یه‌كی درێژخایه‌ن بۆ په‌یوه‌ندی نێوان هه‌ردوولا‌و، راگۆڕینه‌وه‌‌و، سه‌ردان‌و، سوودوه‌رگرتن له ئه‌زموونی یه‌كتری‌و، هه‌وڵدان بۆ لێك نزیكخستنه‌وه‌ی زانایانی ئێران‌و هه‌رێمی كوردستان.
| 
شاندێکی زانایانی تورکیاو یەمەن و مەغریب لە ئەکادیمیای جیهانی زانایانی تەسەوف سەردانی مەکتەبی تەنفیزی یەکێتی زانایان دەکات
