به مه‌به‌ستى رێكخستنه‌وه‌ى كاروبارى زانايان و پێداچوونه‌وه به رێوشوێنه ئيداريه‌كانى لقى دهۆكى زانايان و له‌سه‌ر داواى مه‌كته‌بى ته‌نفيزى يه‌كێتى زانايانى ئاينى ئيسلامى كوردستان؛ له ڕێوڕه‌سمێكدا به‌ڕێز مامۆستا مه‌لا جيهاد حه‌سه‌ن بێسڤكى وه‌ك به‌رپرسى نوێى لقى ناوبراو دياركرا.
ئه‌مه‌و به‌و بۆنه‌يه‌وه، له‌لايه‌ن زانايانى ئايينى دهۆك وكه‌سايه‌تى و به‌رپرسانى حكومى و حيزبى شاره‌كه؛ به مه‌به‌ستى پيرۆزبايى و ئاڵوگۆڕكردنى پۆستى نوێ و ده‌ربڕينى پشتيوانى و هه‌ماهه‌نگى، سه‌ردانى لقى زانايان كراو، به گه‌رميه‌وه له‌لايه‌ن به‌ڕێزان به‌رپرس و كارگێڕانه‌وه پێشوازيان لێكراو، هيواى سه‌ركه‌وتن و به‌رده‌واميان بۆ خواستن.
