دانا مه‌لا حه‌مه‌ئه‌مین- گه‌رمیان:
له‌سێ سه‌ردانی مه‌یدانی جیادا، له ڕۆژانی 16-17-18/10/2010 به‌ڕێز مامۆستا مه‌لا حه‌مه‌ئه‌مین كه‌لاری، لێپرسراوی لق‌و، به‌ڕێزان مامۆستا ئیدریس ژاڵه‌یی‌و، مامۆستا موحه‌مه‌د مه‌لا حه‌مه‌ئه‌مین‌و، مامۆستا سه‌لام گه‌رمكی‌و، مامۆستا عمر فارس كارگێڕانی لقی گه‌رمیان، هه‌رسێ ناوچه‌ی كه‌لار‌و، كفری‌و، ده‌ربه‌ندیخانی سه‌ر به‌لقی گه‌رمیانی یه‌كێتی زانایانی ئاینی ئیسلامی كوردستانیان به‌سه‌ركرده‌وه.
له‌و سه‌ردانانه‌دا به‌ڕێزان شاندی لقی گه‌رمیان له چۆنیه‌تی به‌ڕێوه‌چونی كارو چاڵاكیه‌كانی ناوچه‌كانیان كۆڵیه‌وه‌‌و، ئه‌وه‌یان بۆ دوپاتكرنه‌وه: كه ده‌بێت ناوچه‌كان‌و مامۆستایانی ئاینی پارێزگاری كردن له دین‌و، گه‌ل‌و نیشتمان به ئه‌ركێكی نیشتمانی‌و ڕێكخراوه‌یی بزانێت‌و، درێغی نه‌كه‌ن له ئاڕاسته‌كردنی كۆمه‌ڵانی خه‌ڵك بۆ ئه‌نجامدانی هه‌ركارێك كه به‌رژه‌وه‌ندی دین‌و گه‌ل‌و نه‌ته‌وه‌كه‌مانی تێدابێت.
هه‌روه‌ها لێپرسراو و كارگێڕانی لق، به‌ڵێنی هه‌موو جۆره هاوكاری‌و، پێویستیه‌كیان داو، ستافی ناوچه‌كانیش خۆشحاڵی خۆیان به‌و به‌سه‌ركردنه‌وانه ده‌ربڕی‌و، پێویستی ئه‌وجۆره سه‌ردانانه‌یان پیًشنیاری لق كرد.
