مه‌لا سید صدیق كه‌پرانی، ڕاگه‌یاندنی لقی هه‌ولێر:
سه‌ر له‌به‌یانی رۆژی 20 /10 /2010 به‌ڕێز شێخ نیاز راغب دێگه‌یی، به‌رپرسی لقی هه‌ولێری یه‌كێتی زانایان، له‌گه‌ڵ شاندێكی یاوه‌ری، كه پێكهاتبوو له كارگێڕو، ئه‌ندامانی لق، سه‌ردانی مه‌ڵبه‌ندی هه‌ولێری بزوتنه‌وه‌ی ئیسلامی كوردستانیان كرد، له‌لایه‌ن مامۆستا عبدالله وه‌رتی به‌رپرسی مه‌ڵبه‌ند پێشوازیان لێكرا، سه‌ره‌تا شێخ نیاز دێگه‌یی دوای سوپاس كردنیان بۆ ئه‌م پێشوازیه گه‌رمه، تیشكی خسته سه‌ر پێوێستی هه‌ماهه‌نگی نێوان یه‌كێتی زانایان‌و، بزوتنه‌وه‌ی ئیسلامی بۆ زیاترخزمه‌تكردنی ئاینی ئیسلام‌و، گه‌ل‌و نیشتیمانه‌كه‌مان، چونكه ئه‌وان وه‌كو حیزبێكی سیاسی ئیسلامی‌و، یه‌كێتی زانایانیش وه‌كو ڕێكخراوێكی كۆمه‌ڵگه‌ی مه‌ده‌نی، به‌هه‌مه لایه‌نه ده‌تواندرێت هه‌موو ئه‌و كه‌لێنانه‌ی، كه په‌یوه‌ستن به پرسه ئاینی یه‌كان پڕبكه‌نه‌وه.
له‌لایه‌ن خۆشیه‌وه مامۆستا عبدالله وه‌رتی، وێڕای سوپاسكردنیان بۆ ئه‌م سه‌ردانه‌و، بڕوا پێبوونه تیشكی خسته سه‌ر مێژووی كۆنی هه‌ماهه‌نگی نێوان خۆیان‌و، یه‌كێتی زانایانی ئاینی ئیسلامی كوردستان‌و، دووپاتی ئه‌وه‌شی كرده‌وه كه ئێمه هه‌موو كاتێك چاوه‌ڕوانی هه‌ماهه‌نگی‌و، ئامۆژگاری‌و، پاڵپشتی مامۆستایانی ئاینین‌و به‌وانه‌وه به‌رچاومان روونه.
| 
شاندێکی زانایانی تورکیاو یەمەن و مەغریب لە ئەکادیمیای جیهانی زانایانی تەسەوف سەردانی مەکتەبی تەنفیزی یەکێتی زانایان دەکات
