یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   قەداسەتی پاتریاک مار ئاوای سێیەم پاتریاکی کەنیسەی رۆژھەڵاتی ئاشووری لەجیھان پەیامێکی پیرۆزبایی بە بۆنەی مەولود ئاراستەی سەرۆکی یەکێتی زانایان دەکات    *****    *****   یه‌كێتی زانایان به‌ بۆنه‌ی مانگی مەولودو له‌دایكبوونی پێغه‌مبه‌ر(درودی خوای له‌سه‌ر بێت) پەیامێک بڵاو دەکاتەوە    *****    *****   یەکێتی زانایان: لەگەڵ پرۆژە پێشنیاری هەمواری یاسای باری کەسی عیراق نین    *****    *****   یەکێتی زانایانی بۆ یەکەمین جار لەسەر ئاستی وڵاتانی ئیسلامی قورئان بە زمانی ئاماژە بۆ نابیستان لە مەراسیمێکدا بڵاو دەکاتەوە    *****    *****   مامۆستا مەلا حەمەئەمین سەراوی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   یەکێتی زانایانی ئایینی ئیسلامی کوردستان و قەداسەتی پاتریاک مار ئاوای سێیەم پاتریاکی کەنیسەی رۆژھەڵاتی ئاشووری لەجیھان ديدارێک ئەنجام دەدەن    *****    *****   سەرۆکی یەکێتی زانایان سەردانی سەرۆکی فەرمانگەی رێکخراوە ناحکومیەکانی هەرێم دەکات    *****    *****   مەکتەبی تەنفیزی یەکێتی زانایان کۆدەبێتەوە چەند پرسێکی گرنگ تاوتوێ دەکات    *****    *****   یەکێتی زانایانی ئایینی ئیسلامی کوردستان و بەرێوەبەرایەتی گشتی چاکسازی مەراسیمێکی رێزلێنان بۆ 58 زانایانی ئایینی ساز دەکەن    *****    *****   مامۆستا شێخ جەلال بەرزنجی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا حسن دوگۆمانی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   شاندێکی باڵای ئەنجومەنی روحانی ئێزیدی لەسەر سوکایەتیەکانی قاسم شەشۆ سەردانی مەکتەبی تەنفیزی یەکێتی زانایان دەکات   
 هەواڵ 

شاندێکی باڵای یەکێتی زانایان سەرجەم فراکسیۆنەکانی پەرلەمان بەسەر دەکاتەوە
به‌رواری دابه‌زاندن: 27/08/2019 : 17:00:13
قه‌باره‌ی فۆنت

ئەمرۆ 27ی8ی2019 شاندێکی باڵای مەکتەبی تەنفیزی یەکێتی زانایان بەسەرپەرشتی بەرێز د.عبدالله مەلا سەعید سەرۆکی یەکێتی زانایان و بەیاوەری مامۆستا مەلا جەلال خەیلانی جێگری سەرۆک و د.عومەر حسن مرۆ و مامۆستا مەلا حسن قادیانی و مامۆستا مەلا دلشاد گەڵاڵی ئەندامانی مەکتەبی تەنفیزی و مەلا عبدالله شێرکاوەیی بەرپرسی راگەیاندن، سەرجەم فراکسیۆنەکانی پەرلەمانی کوردستانیان لە پەرلەمانی کوردستان بەسەر کردەوە.


ئامانجی سەردانەکە لەگەڵ فراکسیۆنەکانی پەرلەمان زیاتر بۆ مەبەستی هەماهەنگی و جەخت کردنەوە لە کاری دامەزراوەیی و سەروەربوونی یاساو کارکردن بۆ دادپەروەری و ئاشتەوایی نێوان لایەنەکان و پاراستنی سەقامگیری کوردستان و باشترکردنی گوزەرانی هاوڵاتیان بوو.


لەدانیشتنەکاندا د. عبدالله مەلا سەعید سەرۆکی یەکێتی زانایان جەختی لەوە کردەوە، پێویستە پەرلەمان و فراکسیۆنەکان ڕای یەکێتی زانایان لەبەر چاوو بگرن لە پرس و پرۆژە یاسا پەیوەستەکانی بواری ئایینی و رۆڵ و پێگەی زانایانیش بەبایەخەوە سەیر بکەن.


هەروەها تەوەرێکی تری دانیشتنەکان پەیوەست بوو بە گفتوگۆ لەمەڕ پرۆژە یاسای چاکسازی حکومەت، کە دەبێ هەموو لایەنەکان بێ لێکدانەوەی تایبەتی و حزبی رەچاوی بەرژەوەندی گشتی وڵات بکەن و بەو پەڕی دڵسۆزیەوە کاری لەسەر بکەن.


سەرۆکی یەکێتی زانایان تەئکیدی لەوە کردەوە کە زانایانی ئایینی هاوکارو هەماهەنگی تەواو دەکەن لەهەر پرۆژەو هەنگاوێک بە ئاراستەی چاکترکردن و بەرەو پێشبردنی دۆخی هەرێم و واقعی کۆمەڵگەی کوردستان کاری لەسەر بکرێت.


لەلایەن خۆشیانەوە سەرۆک فراکسیۆن و ئەندامانی پەرلەمان وێڕای خۆشحاڵی بە سەردانی یەکێتی زانایان و بەرز نرخاندنی پێگەو رۆڵی زانایان لەناو کۆمەڵگە تەئکیدیان لەوە کردەوە، کە بۆچوونی یەکێتی زانایان بەلایانەوە گرنگە و لەهەر پرۆژەو هەنگاوێک پەیوەست بیت بە بواری ئایینی بێ وەرگرتنی ڕای یەکێتی زانایان و هەماهەنگی هیچ هەنگاوێک نانێن.