یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   قەداسەتی پاتریاک مار ئاوای سێیەم پاتریاکی کەنیسەی رۆژھەڵاتی ئاشووری لەجیھان پەیامێکی پیرۆزبایی بە بۆنەی مەولود ئاراستەی سەرۆکی یەکێتی زانایان دەکات    *****    *****   یه‌كێتی زانایان به‌ بۆنه‌ی مانگی مەولودو له‌دایكبوونی پێغه‌مبه‌ر(درودی خوای له‌سه‌ر بێت) پەیامێک بڵاو دەکاتەوە    *****    *****   یەکێتی زانایان: لەگەڵ پرۆژە پێشنیاری هەمواری یاسای باری کەسی عیراق نین    *****    *****   یەکێتی زانایانی بۆ یەکەمین جار لەسەر ئاستی وڵاتانی ئیسلامی قورئان بە زمانی ئاماژە بۆ نابیستان لە مەراسیمێکدا بڵاو دەکاتەوە    *****    *****   مامۆستا مەلا حەمەئەمین سەراوی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   یەکێتی زانایانی ئایینی ئیسلامی کوردستان و قەداسەتی پاتریاک مار ئاوای سێیەم پاتریاکی کەنیسەی رۆژھەڵاتی ئاشووری لەجیھان ديدارێک ئەنجام دەدەن    *****    *****   سەرۆکی یەکێتی زانایان سەردانی سەرۆکی فەرمانگەی رێکخراوە ناحکومیەکانی هەرێم دەکات    *****    *****   مەکتەبی تەنفیزی یەکێتی زانایان کۆدەبێتەوە چەند پرسێکی گرنگ تاوتوێ دەکات    *****    *****   یەکێتی زانایانی ئایینی ئیسلامی کوردستان و بەرێوەبەرایەتی گشتی چاکسازی مەراسیمێکی رێزلێنان بۆ 58 زانایانی ئایینی ساز دەکەن    *****    *****   مامۆستا شێخ جەلال بەرزنجی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا حسن دوگۆمانی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   شاندێکی باڵای ئەنجومەنی روحانی ئێزیدی لەسەر سوکایەتیەکانی قاسم شەشۆ سەردانی مەکتەبی تەنفیزی یەکێتی زانایان دەکات   
سەرۆکی یەکێتی زانایان: پێویستە رێکاری واقعی و گونجاو لە هەڵمەتی نیشتمانی بەرەنگاربوونەوەی توندوتیژی دژی ژنان پیادە بکرێت
به‌رواری دابه‌زاندن: 26/11/2019 : 10:39:50
قه‌باره‌ی فۆنت

سەرۆکی یەکێتی زانایان: پێویستە رێکاری واقعی و گونجاو لە هەڵمەتی نیشتمانی بەرەنگاربوونەوەی توندوتیژی دژی ژنان پیادە بکرێت


ئەمرۆ 26ی11ی2019 لە پەیامێکدا بۆ (ماڵپەڕی زانایان) بەرێز د. عبدالله مەلا سەعید سەرۆکی یەکێتی زانایانی ئایینی ئیسلامی کوردستان سەبارەت بە هەڵمەتی نیشتمانی بەرەنگاربوونەوەی توندوتیژی دژ بە ژنان باس لەوە دەکات پێویستە لە کوردستان ئالیەت و شێوازی کونجاوو واقعی سەبارەت بە پرسی ئافرەتان پیادە بکرێ و رەچاوی دۆخی کۆمەڵگەو تایبەتمەندی ئایینی و یاسایی بکرێت.


سەرۆکی یەکێتی زانایان دەڵێت: ئایینی ئیسلام هەموو جۆرە توندوتیژیەک بەرامبەر ئافرەت رەت دەکاتەوەو جەختیش دەکات هەمیشە بە میهرەبانی و چاوی رێزەوە لەگەڵ ئافرەتان و خوشک و کچەکانتان مامەڵە بکەن، چونکە دەیان دەق هەیە لە قورئان و فەرموودە باس لە بەرزی و رێزو پێگەی ئافرەتان دەکات.


سەرۆکی یەکێتی زانایان ئەوەش دەڵێت: ئەوەی هۆکاری توندو تیژی بێت لەو نێوەدا زیاتر پەیوەندی بە کلتورو ناهۆشیاری کۆمەڵگەو زۆر جاریش خودی ئافرەتان دەبنە فاکتەر بۆ ئەوەی بێڕێزی و توندوتیژیان بەرامبەر بکرێت، چونکە ژیانی خێزانداری دوولایەنەیە، وەک چۆن ئافرەتان دەخوازن پیاوان لەگەڵیان باش و میهرەبان بن، لەهەمان کات پێویستە ئافرەتیش ئەو راستیە بزانن کە وەک دایک و هاوسەر هاوکارو پشتیوانی خێزانەکەی خۆیان بن و پەنا بۆ شتێک نەبن لەگەڵ ئایین و داب و نەریتی رەسەنی کوردەواری نەگونجێت.


هەروەها گوتیشی: بەداخەوە لاسایی کردنەوەو لەبەرچاو نەگرتنی تایبەتمەندی کۆمەڵگەی کوردی و هەندێ جار سەپاندنی کلتوری بیانی بەسەر ژنانی کورد وای کردووە ئاریشەی زۆر بێتە بەردەم کۆمەڵگەی کوردی و ساکالاو جیابوونەوەو توندوتیژی زۆر ببێت, بۆیە هیوامان وایە رێکخراو و ناوەندەکانی تایبەت بە ئافرەتان جددیترو واقعبینانە تر بایەخ بە ئافرەتان و نەهێشتنی کێشەکانیان بدەن و بەدوای هۆکارەکان بگەرێن و چارەسەرەکان بدۆزنەوە، ئێمە وەکو یەکێتی زانایان ئامادەی هەموو هاوکاریەکین لەپێناو کەمکردنەوەی توندوتیژی و نەهێشتنی کێشەکان.


لە دوا پەیامیدا سەرۆکی یەکێتی زانایان گوتیشی: ئایینی پیرۆزی ئیسلام چارەسەری زۆرو هەمەلایەنەی بۆ کێشەکان هەیەو، رێنماییمان دەکات نەک تەنها بەرامبەر ئافرەتان بەڵکو لە ژیاندا توندو تیژ نەبین و هەمیشە بە پەیامی تەبایی و ئاشتی و میهرەبانی و ئینسانیەوە هەڵسوکەوت بکەین، هەر لێرەشەوە رۆڵی مامۆستایانی ئایینی بەرز دەنرخێنم، کە بەردەوام هەوڵیان داوە خزمەت کۆمەڵگەی کوردی بکەن و رێچارەی گونجاو بۆ کێشەی کۆمەلایەتی و خێزانی بدۆزنەوەو کۆمەڵگە هۆشیار بکەنەوە کە توندوتیژی بەرامبەر ئافرەتان نەنوێنن.