ئەمرۆ 9ی6ی2020 مامۆستا مەلا سلێمان قيرژەيی کۆچی دوایی کرد، بەو بۆنەوە یەکێتی زانایان پرسەنامەیەک ئاراستەی خانەوادەکەی دەکات، ئەمەی خوارەوە دەقەکەیەتی:
بەناوی خوای گەورەو میهرەبان
خانەوادەی بەرێز مامۆستا مەلا سلێمان قيرژەيی
وێڕای رازیبوون بە قەدەری خوای گەورە، هەواڵی کۆچی دوایی (مامۆستا مەلا سلێمان قيرژەيی)مان پێگەیشت و خەمباری کردین.
مامۆستا کەسایەتیەکی ئاینی و کۆمەڵایەتی و خاوەن رێزو پێگەیەکی تایبەت بوو، لە هەمان کاتدا کەسێکی دڵسۆزو ديندارو زاهیدو لێهاتوو بوو، وەک پێشنوێژو وتارخوێنێکی سەرکەوتوو لە مزگەوتی (شێخ مستەفای نەقشبەندی) لە پارێزگای هەولێر جێدەستی خزمەتی دیارو بەرچاوو بوو.
بەو بۆنەوە پرسەو سەرەخۆشی لە زانایان و خانەوادەو کەس و کاری مامۆستای رەحمەتی دەکەین، لەخوای گەورە داواکارین سەبرو ئارامی بە خزم و دۆستانی ببەخشێت و جێگەی کۆچکردوو بەهەشتی بەرین بێت.
انا لله وانا اليه راجعون
یەکێتی زانایانی ئایینی ئیسلامی کوردستان
9ی6ی۲٠۲٠
هەر بەو بۆنەوە لقی هەولێری یەکێتی زانایان پرسەنامەیەکی ئاراستە کردووە ئەمەی خوارەوە دەقەکەیەتی:
بەناوی خوای گەورە میهرەبان
وَبَشِّرِالصّابِرِينَ الَّذِينَ إِذَا أَصَابَتْهُم مُّصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ
بە داخ وپەژارەرەيەکی زۆرەوە و رازيبوون به قه ده رى خوداى گه وره هەواڵی کۆچی دوایی زانا و زاهيدی ناوداری شارى هه ولير خوالێخۆشبوو ( مامۆستا مەلا سلێمان قيرژەيی نەقشبەندی)مان پێگه‌یشت، بەم بۆنە خه مناكه وه پرسە وسەرەخۆشی خۆمان ئاڕاستەی سەرجەم زانايانی ئاينی شاری هەولێر بە تايبەتی و زانايانی کوردستان بە گشتی و بنەماڵە بەڕێزەکەتان دەکەین، کۆچی يەکجارەکی خوالێخۆشبوو کەلێنێکی گەورەی خستە نێو کاروانی زاهيدان و زانستخوازان و تەمەنێک پڕ لە خزمەت بە زانست و عيرفان و مزگەوت و حوجرەی فەقێيان و زانستخوازانی بەسەر برد، لە خوای گەورە داواکارم گیانی خوالێخۆشبوو بە بەهەشتی فيردەوس شاد بکات و ئاراميتان پێ ببه خشێت .
إنّا للّه وإنّا إليه راجعون
لقی هەولێری یەكێتی زانایانی ئاینی ئیسلامی كوردستان
9/6/2020
