ئەمرۆ هەینی 3ی7ی2020 مامۆستا مەلا سلێمان پیرۆمەری کۆچی دوایی کرد، بەو بۆنەوە یەکێتی زانایان پرسەنامەیەک ئاراستەی خانەوادەکەی دەکات، ئەمەی خوارەوە دەقەکەیەتی:
بەناوی خوای گەورەو میهرەبان
(كُلُّ نَفْسٍ ذَائِقَةُ الْمَوْتِ ثُمَّ إِلَيْنَا تُرْجَعُونَ)
خانەوادەی بەرێز مامۆستا مەلا سلێمان پیرۆمەری
وێڕای رازیبوون بە قەدەری خوای گەورە، هەواڵی کۆچی دوایی (مامۆستا مەلا سلێمان پیرۆمەری)مان پێگەیشت، کە ئەمرۆ هەینی کۆچی دوایی کرد.
مامۆستا زاناو کەسایەتیەکی ئاینی و کۆمەڵایەتی بوو، دیندارو خواناس و زاناو پیاوێکی قسەخۆش و ڕۆح سووک و میوان دۆست بوو، بەردەوام حەزی خزمەت کردن و پەروەردەو بانگەوازی دینی خوای بەلاوە گرنگ بووەو خزمەت و هەوڵەکانی لەو بوارە دیارو بەرچاوە.
بەو بۆنەوە پرسەو سەرەخۆشی لە خانەوادەو کەس و کاری مامۆستای رەحمەتی دەکەین، لەخوای گەورە داواکارین سەبرو ئارامی بە خزم و دۆستانی ببەخشێت و جێگەی کۆچکردوو بەهەشتی بەرین بێت.
انا لله وانا اليه راجعون
یەکێتی زانایانی ئایینی ئیسلامی کوردستان
3ی7ی۲٠۲٠
