بەیانی ئەمرۆ 5ی7ی2020 مامۆستا مەلا محمود فقێ محمد شەمێرانی کۆچی دوایی کرد، بەو بۆنەوە یەکێتی زانایان پرسەنامەیەک ئاراستەی خانەوادەکەی دەکات، ئەمەی خوارەوە دەقەکەیەتی:

بەناوی خوای گەورەو میهرەبان

(كُلُّ نَفْسٍ ذَائِقَةُ الْمَوْتِ ثُمَّ إِلَيْنَا تُرْجَعُونَ)

خانەوادەی بەرێز مەلا محمود فقێ محمد شەمێرانی

وێڕای رازیبوون بە قەدەری خوای گەورە، هەواڵی کۆچی دوایی (مامۆستا مەلا محمود فقێ محمد شەمێرانی)مان پێگەیشت.

مامۆستا ئەندامی لێژنەی فتوای پارێزگای هەڵەبجە بوو، خاوەن خزمەت و پێگەیەکی کۆمەڵایەتی و کاروانی بانگەوازی و مینبەرو مزگەوت بووە، لەناو ریزەکانی یەکێتی زانایان خزمەت و هەوڵەکانی دیارو بەرچاوە.

بەو بۆنەوە پرسەو سەرەخۆشی لە زانایانی هەڵەبجەو خانەوادەو کەس و کاری مامۆستای رەحمەتی دەکەین، لەخوای گەورە داواکارین سەبرو ئارامی بە خزم و دۆستانی ببەخشێت و جێگەی کۆچکردوو بەهەشتی بەرین بێت.

انا لله وانا اليه راجعون

یەکێتی زانایانی ئایینی ئیسلامی کوردستان

5ی7ی۲٠۲٠

هەر بەو بۆنەوە لقی هەڵەبجەی یەکێتی زانایان پرسەنامەیەکی ئاراستە کردووە ئەمەی خوارەوە دەقەکەیەتی:

بەناوی خوای گەورەو میهرەبان

قال اللە تعالی:(( وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّا إِلَيْهِ رَاجِعونَ )) .
...............
بەبۆنەی کۆچی دوایی بەڕێز مامۆستا ( مەلا محمود فقێ محمد شەمێرانی) ئەندامی لیژنەی فتوای پارێزگای هەڵەبجە

بەناوی سەرجەم زانایانی سنوری لقی هەڵەبجەی یەكێتی زانایان پرسەو سەرەخۆشی خۆمان ئاڕاستەی کەس و کاروی بەڕێزیان دەکەین ، لەخوای گەورە داواکارین بەڕێزیان بەبەهەشتی بەرین شاد بکات .

انا للە وانا الیە راجعون

ڕاگەیاندنی لقی هەڵەبجەی یەکێتی زانایان
2020/7/5