ئەمرۆ 18ی12ی2020 کەسایەتی ئایینی و کۆمەڵایەتی مامۆستا مەلا عەلی سکتان ناسراو بە مەلا عەلی گچکە لە شاری رانیە كۆچی دوایی كردو یه‌کێتی زانایان پرسه‌نامه‌یه‌ک ئاراسته‌ی خانه‌واده‌که‌ی ده‌کات، ئه‌مه‌ی خواره‌وه‌ ده‌قه‌که‌یه‌تی:

به‌ناوی خوای گه‌وره‌و میهره‌بان

(وَبَشِّرِالصَّابِرِينَ الَّذِينَ إِذَاأَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّاإِلَيْهِ رَاجِعُونَ)

خانه‌واده‌ی به‌رێز مامۆستا مەلا عەلی سکتان

بەداخەوە هه‌واڵی وه‌فاتی که‌سایه‌تی ئایینی و کۆمەڵایەتی (مامۆستا مەلا عەلی سکتان)مان پێگه‌یشت، کە ئەمرۆ لە شاری رانیە کۆچی دوایی کرد.

مامۆستا کەسێکی دیندارو کۆمەڵایەتی و دڵسۆزی مزگەوت بوو، هەموو تەمەنی لە خزمەتی دین و خەڵک خەرج کردووەو لە زۆر مزگەوتی دەڤەرەکە کاری مەلایەتی کردووە، وێڕای ئەمەش مامۆستا کەسێکی سادەو عیرفانی و قسەخۆش و بە مەجلیس بوو.

به‌و بۆنه‌وه‌ پرسه‌و سه‌ره‌خۆشی لە لقی رانیەی یەکێتی زانایانی و خانه‌واده‌و که‌س و کاری ره‌حمه‌تی ده‌که‌ین، له‌خوای گه‌وره‌ داواکارین سه‌برو ئارامی به‌ خزم و دۆستانی ببه‌خشێت و جێگه‌ی مامۆستای ره‌حمه‌تی به‌هه‌شتی به‌رین بێت.

 انا لله وانا الیه راجعون

یه‌کێتی زانایانی ئایینی ئیسلامی کوردستان

18ی12ی۲٠۲٠