یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   یەکێتی زانایان بە بۆنەی هاتنەوەی جەژنی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا شێخ محمد شێخ سەمیع قەرەداغی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا عزت اللە مەلا محمد هەرتەلی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا سەید رەشاد تەوێڵەیی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا شێخ محمد شێخ عبدالکریم بەرزنجی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   یەکێتی زانایان: بێ رێزی و سوکایەتی بەرامبەر قورئانی پیرۆز بەتوندی ئیدانە دەکەین و ئەرکی دەزگا ئەمنیەکانە بکەران ئاشکرا بکات    *****    *****   سەرۆکی یەکێتی زانایان وەک وەفاو خزمەت لەسەر ئەرکی بنەماڵەکەیان کتێبخانەیەک لە سۆران دەکاتەوە    *****    *****   سه‌رۆكی ئه‌نجوومه‌نی باڵای فه‌توا: پێویستە‌ پارته‌ نیشتمانپه‌روه‌ره‌كانی كوردستان هه‌مان گیانی خۆڕاگری و ته‌بایی و برایه‌تی بپارێزن    *****    *****   لەساڵیادی رۆژی رۆژنامەگەری کوردی یەکێتی زانایان پەیامێک ئاراستەی دەزگاکانی راگەیاندن دەکات و دەڵێت: سوکایەتی بەرامبەر پیرۆزییەکان و شێواندنی پێکەوەژیان قابیلی قبوڵ نیە    *****    *****   سەرۆکی حکومەتی هەرێم ستایشی رۆڵی زانایان دەکات    *****    *****   بەرێوەبەری ناحیەکانی خلیفان و دیانا و سیدەکان و بەڕێوەبەری ئەوقافی سۆران سەردانی لقی سۆرانی یەکێتی زانایان دەکەن    *****    *****   پەیامی پیرۆزبایی یەکێتی زانایان بە بۆنەی هاتنی مانگی پیرۆزی رەمەزانەوە   
سەرۆکی یەکێتی زانایان وەک وەفاو خزمەت لەسەر ئەرکی بنەماڵەکەیان کتێبخانەیەک لە سۆران دەکاتەوە
به‌رواری دابه‌زاندن: 22/04/2021 : 18:26:09
قه‌باره‌ی فۆنت

 ئەمرۆ 22ی4ی2021 بەرێز د. عبدالله مەلا وەیسی سەرۆکی یەکێتی زانایان وەک وەفایەک بۆ رۆحی باوکی رەحمەتی خوالێخۆشبوو مامۆستا مەلا سەعید گرتکی و خزمەتێک بۆ زانایانی سۆران و نووسەرو خوێنەرو توێژەران کتێبخانەیەکی لەهۆڵی بارەگای لقی سۆرانی یەکێتی زانایان لەسەر ئەرکی بنەماڵەکەیان کردەوە.


مەراسیمەکەدا بە ئامادەبوونی هەر یەک لە بەرێزان مەلا خالد مەلەكی بەرپرسی لقی سۆران و مەلا وەیسی سەعید ئەندامی پەرلەمانی كوردستان و دکتۆر پشتیوان سرێشمەی بەرێوەبەری ئەوقافی سۆران و ژمارەیەك لەمامۆستایانی ئایینی و رۆشنبیرانی سۆران بوو.


لە وتەیەکدا سەرۆکی یەکێتی زانایان وێرای پیرۆزباییان بەبۆنەی ڕۆژی ڕۆژنامەگەریی کوردی و تێپەڕبوونی 123 ساڵ بە سەر دەرچوونی یەكەمین ژمارەی رۆژنامەی كوردستان، رایگەیاند: خۆشحاڵین ئەمرۆ لە سۆران کتێبخانەیەک بەناوی خوالێخۆشبوو مامۆستا مەلا سەعید گرتکی دەکەینەوە، کە ماوەی پتر لە چوار ساڵ بەپرسی لقی سۆران بووەو خزمەتی زۆری بواری زانست و رەوشی ئایینی و بزاڤی رۆشنبیری شارەکەی کردووە.


هەروەها گوتیشی: کردنەوەی کتێبخانەی لەو شێوە خزمەتێکە بۆ خوێنەران و بایەخدان بە رێرەوی دروستی زانستی و رۆشنبیری، کە لەو رێگەیەوە دەتوانین خزمەتی بواری ئایینی و نەتەوەیی بکەین و زاڵ بین بەسەر بیری توندڕەوی لە کوردستان.


لەبەشێکی تری قسەکانی گوتیشی: لەو کتێبخانەیە بەشێکی کتێبەکانی کتێبخانەی بنەماڵەکەمان کە میراتی زانستی باب و باپیرانە پێشکەش بەو کتێبخانەیە کراوەو بەشێکی تریشی بەهاوکاری هەندێ دەزگاو کەسایەتی دابین کراون و لەرووی ئایینی و مێژووی و هزری و زانستی و رۆشنبیری گشتی و فەلسەفەو زمان و ئەدەب و شیعرو بیری نەتەوەیی پتر لە دوو هەزار ناونیشان لەخۆ دەگرێت.


سەرۆکی زانایان هیوای خواست ئەم هەنگاوە ببێتە سەرەتاییەکی گرنگ بۆ دەڤەری سۆران، کە خوێنەرو توێژەرو نووسەران بتوانن سوودی لێ ببینن و ببێتە سەرچاوەیەکی دیارو گرنگی زانیاری لەهەموو بوارێکەوە.