بە دڵێكی ئیمانی‌و بە چاوی پرَ لە فرمێسكەوە، ئەمڕۆ بە هەزاران كەس روویان كردە دەرەوەی شارەكانی كوردستان بە مەبەستی ئەنجامدانی نوێژەبارانە.

بەهۆی دواكەوتنی باران بارین لە وادەی خۆی، ئەمڕۆ 30/11/2010 یەكێتی زانایانی ئایینی ئیسلامی كوردستان بە هەماهەنگی وەزارەتی ئەوقاف‌و كاروباری ئایینی حكومەتی هەرێمی كوردستان هەڵستان بە سازدانی نوێژەبارانە لە نزیكەی 30 شوێ، لە سەرتاسەری هەرێمی كوردستان.

لە هەولێری پایتەخت هەزاران كەس رژانە سەر شەقامەكان‌و چوونە شوێنی نوێژەبارانە لەسەر جۆت سایدی نوێی بەحركە، كە تێیدا بەڕێز مامۆستا مەلا محەمەد وەرتی سەرۆكی لێژنەی باڵای فەتوای كوردستان پێشنوێژی بۆ هاووڵاتیان كرد‌و، دواتریش مامۆستا مەلا عەبدولا مەلا سەعید سەرۆكی یەكێتی زانایان وتارێكی خوێندەوە، تێیدا داوای لە هاوولاتیان كرد، دوای زیندووكردنەوەی ئەم سوننەتە پیرۆزەی پێغەمبەری سەروەرمان هەوڵبدەن زیاتر پابەندی بنەماكانی ئایینی پیرۆزی ئیسلام بن‌و زیاتر لە خوای گەورە نزیك بن‌و، هەوڵبدەن زیاتر خۆیان پاك بكەنەوە، ئینجا دەستی بە دوعاكردن كرد‌و، چەندان دوعایان كرد.

دوعایان دەكرد، كە خوای گەورە پیت‌و بەرەكەت بەسەر جیهان بە گشتی‌و جیهانی ئیسلامی‌و هەرێمی كوردستان بەتایبەتی، هاووڵاتیانیش دوای ئەوەی دوعای گیرابوونی نزاكانیان دەكرد.

هاووڵاتیانیش بەوپەڕی دڵسۆزی‌و ملكەچییەوە دوعایان دەكرد‌و، پەیمانی بەندایەتیان بۆ خوای گەورە نوێ دەكردەوە.

شایانی باسە لە هەولێر بە راسپاردەی مەكتەبی تەنفیزی، لقی هەولێری یەكێتی زانایان هەڵستا بە رێكخستنی رێورەسمی نوێژەبارانە.