مه‌لارسول سیتكانی، راگه‌یاندنی لق:
پێش نیوه‌ڕۆی رۆژی 30/11/2010 سێ شه‌ممه شاندێكی لقه‌كه‌مان، كه پێكهاتبوو له به‌رێز مامۆستا مه‌لا خالد مه‌له‌كی به‌رپرسی لق‌و، به‌ڕێزان كارگێرانی لق‌و، چه‌ند مامۆستایه‌كی دیكه له ناوچه‌ی دیاناو خه‌لیفان، سه‌ردانی مه‌ڵبه‌ندی 8ی كۆمه‌لی ئیسلامیان كردو، له‌لایه‌ن به‌ڕێزان مامۆستا مه‌ڕوان گه‌ڵالی ئه‌ندامی مه‌كته‌بی سیاسی كۆمه‌ڵ‌و مامۆستا شوان ڕابه‌ر به‌رپرسی نوێی مه‌ڵبه‌ندو كارگێرانی مه‌ڵبه‌ند به گه‌رمی پێشوازیان لێكرا.
له دانیشتنه‌كه‌دا ستافی لقه‌كه‌مان وێڕای ئاراسته‌كردنی پیرۆزبایی بۆ هه‌ردوو به‌ڕێزان به‌بۆنه‌ی وه‌رگرتنی پۆسته نوێیه‌كانیان، جه‌ختیان له‌سه‌ر هه‌ماهه‌نگی‌و هاوكاری نێوانیان كرده‌وه‌و، پاشان چه‌ندین ته‌وه‌ری تر باس كران كه په‌یوه‌ست بوو به بارودۆخی ئێستای كوردستان‌و ناوچه‌كه‌و پاراستنی ئه‌و ئه‌زموونه‌ی هاتۆته كایه‌وه به‌ره‌نج‌و خه‌باتی هه‌موولایه‌ك‌و به‌رگری كردن له به‌ها پیرۆزه‌كانی ئیسلام‌و خزمه‌تكردنی زیاتری زانایان.
له‌لایه‌ن خۆیانه‌وه هه‌ردوو به‌ڕێزان وێڕای سوپاس‌و پێزانین خۆشحاڵی خۆیان بۆ ئه‌و سه‌ردانه ده‌ربڕی‌و دوپاتیان كرده‌وه، كه هه‌میشه پاڵپشتی لقی سۆرانی یه‌كێتی زانایان‌و، به‌رێوه‌به‌رایه‌تی ئه‌وقافی سۆران بن‌و، رۆلی زانایانی سنووری لقه‌كه‌مانیشیان به‌رزنرخاند.
| 
