رۆژی 23ی1ی2023 شاندێکی باڵای مەکتەبی تەنفیزی یەکێتی زانایان بەسەرۆکایەتی بەرێز د. عبدالله مەلا وەیسی سەرۆکی یەکێتی زانایان سەردانی بەرێز د. شاخەوان عبدالله جێگری سەرۆکی ئەنجومەنی نوێنەرانی عیراقیان کردو بەگەرمیەوە پێشوازی کران.
سەرەتای دانیشتنەکە بەرێز سەرۆکی یەکێتی زانایان ئامانجی سەردانی روون کردەوەو تەئکیدی لەوە کرد، کە پێویستە لەرووی کاری پەرلەمانی و هەست کردن بە بەرپرسیارێتی و لێک نزیک کردنەوەی لایەنەکان و یەکهەڵوێستی کورد بۆ گەیشتن بە مافە دەستوورییەکان کار بکرێت، وە پەیامی زانایانی ئایینی هەمیشە لە پاڵپشتی دۆزی رەوای گەلەکەمان بووەو هەوڵیان داوە هەمووان یەکهەڵویستی بنەکە بنەمای هەنگاونان بۆ گەیشتن بە ئامانج و پاراستنی بەرژەوەندی گشتی لەوەشدا یەکێتی زانایان هاوکارو هەماهەنگە بۆ هەر هەنگاوێک لە خزمەتی گشتی بێت.
دواتر بەرێز د. شاخەوان عبدالله جێگری سەرۆکی سەرۆکی پەرلەمانی عیراق خۆشحاڵی خۆی بەسەردانی شاندەکە دەربڕی و رایگەیاند کە ئەم سەردانەی یەکێتی زانایان بۆ بەغداو کۆبوونەوەی لەگەڵ دامەزراوەو مەرجەعە ئایینیەکان دەورێکی گرنگی دەبێت بۆ گۆڕینی هەڵوێستی عەرەب بەرامبەر کورد، ئێمە سوپاستان دەکەین کە داکۆکی لە یەکهەڵوێستی لایەنە کوردییەکان دەکەن، چونکە بە ئەزمون ئەوە سەلماوە چەندە پەرتەوازە بین زیاتر ئیستغلال دەکرێین.
هەر لە دانیشتنەکەدا چەند پرس و بابەتێکی دیکە تاوتوێ کرا کە پەیوەست بوون بە بواری یاساکان و رەچاوکردنی بنەمای ئەخلاقی و پاراستنی بەهای خێزان و چۆنیەتی خزمەتکردنی هاوڵاتیان و بایەخدان بە بواری ئایینی و هەستکردن بە بەرپرسیارێتی بە تایبەت کە کوتلە کوردییەکان نوێنەرایەتی کوردستان دەکەن دەبێ رەچاوی خزمەت و بەرژەوەندی گشتی بکەن.
شایەنی باسە لە دانیشتنەکە هەر یەک لە بەرێزان مامۆستا مەلا جەلال خەیلانی جێگری سەرۆک و د.حسن موفتی و د.عمر مرۆ و د.عرفان رەشیدو د.محمد نصر الله و د.حسن خۆشناو و مەلا عبدالله شێرکاوەیی ئەندامانی مەکتەبی تەنفیزی بەشدار بوون.
بهیاننامهی یهكێتی زانایانی ئایینی ئیسلامی کوردستان به بۆنهی ساڵوەگەڕی لهدایكبوونی پێغهمبهر(درودی خوای لهسهر بێت)
