ناوی محه‌ممه‌د له ساڵی 2022 له ریزبه‌ندی یه‌كه‌می ناونانی منداڵانی تازه له‌دایکبووی پایته‌ختی ئه‌ڵمانیا دێت، هاوكات كۆمه‌ڵه‌ی زمانی ئه‌ڵمانی رایده‌گه‌یه‌نێ، ناوی محه‌ممه‌د له‌گه‌ڵ ناوه‌كانی نووح و ئاده‌م له سه‌رتاسه‌ری ئه‌ڵمانیا كێبڕكێ ده‌كات.
گۆڤاری دی زایت (Die Zeit)ـی ئه‌ڵمانی بڵاویكردووه‌ته‌وه، له ماوه‌ی ئه‌و چه‌ند ساڵه‌ی دواییدا ناوی محه‌ممه‌د له‌ناو منداڵانی تازه له‌دایكبوو، زیاتر بڵاوبووه‌ته‌وه، به‌شێوه‌یه‌ك له ئێستادا له پله‌ی بیسته‌مین دێ له سه‌رتاسه‌ری ئه‌ڵمانیا.
گۆڤاره‌كه روونیكردووه‌ته‌وه، به‌گوێره‌ی زانیارییه‌كانی نووسینگه‌كانی تۆماری له‌دایكبووان له ته‌واوی ئه‌ڵمانیا، له ساڵی 2022ـدا ژماره‌ی ئه‌و منداڵانه‌ی له‌دایكبوونه و ناوی محه‌ممه‌دیان لێ نراوه، 2758 منداڵ بوونه.
گۆڤاری دی زایت ئاماژه‌ی به‌وه كردووه، ناوی محه‌ممه‌د له ساڵی 2018 له‌ناو منداڵاندا له به‌رلینی پایته‌ختی ئه‌ڵمانیا ناوێكی به‌ربڵاو نه‌بووه، به‌ڵام ئاماژه‌كان بۆ ئه‌وه بوون كه له ساڵانی دواتردا ئه‌و ناوه زیاتر له‌ناو منداڵاندا په‌ره‌بسێنێ و ئه‌و كات مشتومڕێكی جیددی لێكه‌وته‌وه، پاشان له ساڵی 2021 ئه‌و ناوه زیاتر ته‌شه‌نه‌ی كرد و هاته ریزبه‌ندی سێیه‌م و هه‌روه‌ها له ساڵی 2022 پێشه‌نگی ریزبه‌ندییه‌كه‌ی گرت و هاته پله‌ی یه‌كه‌م.
سەرچاوە: K24
یەکێتی زانایان بە هاوبەشی سەنتەری روح ئەلحەیات دیدارێکی زانستی (چارەسەری تەندروستی لە نێوان شەریعەت و زانستی پزیشکیدا) بەرێوە دەبات
یەکێتی زانایان مەراسیمێکی رێزلێنان بۆ 130 مامۆستای ئایینی و هاوکارانی راگەیاندنی مەکتەبی تەنفیزی یەکێتی زانایان ساز دەکات
