یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   لقی دهۆکی یەکێتی زانایان پێشوازی لە مەتڕانی ئەبڕەشەی کلدانی و بەرێوەبەری کاروباری مەسیحیان دەکات    *****    *****   هەولێر: مەراسیمی ناساندنی کتێبی (بە یەکەوە ژیان لە کوردستان دیدو بۆچوونی ئایینە جیاوازەکان) بەرێوە دەچێت    *****    *****   مامۆستا مەلا عوسمان مەلا محمد شێخەڵمارێنی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   لە مەراسیمێکدا لقی هەڵەبجەی یەکێتی زانایان سەری ساڵی کۆچی بەرز رادەگرێت    *****    *****   شاندێکی سەنتەری کوردستان بۆ توێژینەوەو لە وزە نەبینراوەکان سەردانی یەکێتی زانایان دەکات    *****    *****   شاندێکی لقی سۆرانی یەکێتی زانایان بەشداری مەراسیمی ناشتنی روفاتی 100 ئەنفالی بارزانی دەکات    *****    *****   هەولێر: بە بەشداری ژمارەیەکی بەرچاو لە مامۆستایانی ئایینی مەراسیمی بەرز راگرتنی سەری ساڵی کۆچی بەرێوە دەچێت    *****    *****   لقی پشدەری یەکێتی زانایان کۆدەبێتەوەو چەند پرسێک تاوتوێ دەکات    *****    *****   بە بۆنەی سەری ساڵی کۆچی یەکێتی زانایانی ئایینی ئیسلامی کوردستان پەیامێک بڵاو دەکاتەوە    *****    *****   لقی ئاکرێی یەکێتی زانایان کۆدەبێتەوەو چەند پرسێک تاوتوێ دەکات    *****    *****   لقی سۆرانی یەکێتی زانایان دانیشتنی هەفتانەی خۆی سازدەکات    *****    *****   لقی موسڵی یەکێتی زانایان بەشداری کردنەوەی مزگەوتی گوندی یەکمالە لە بەردەرەش دەکات   
سەرۆکی یەکێتی زانایان بەشداری کۆنفرانسی (با جیاوازییە ئایینی و نەتەوەییەکان بەهێزترمان بکات) دەکات
به‌رواری دابه‌زاندن: 23/12/2021 : 15:25:56
قه‌باره‌ی فۆنت

ئەمرۆ 23ی12ی2021 بەرێز د. عبدالله مەلا وەیسی سەرۆکی یەکێتی زانایان بەشداری لە کۆنفرانسێکی دەستەی سەربەخۆی مافی مرۆڤ لەژێر ناونیشانی (با جیاوازییە ئایینی و نەتەوەییەکان بەهێزترمان بکات)  لە شاری هەولێر کرد، کە تێیدا هەر یەک لە بەرێزان ئایدن مەعروف وەزیری هەرێم بۆ کاروباری پێکهاتەکان و، دکتۆرە مونا یاقو سەرۆکی دەستەی مافی مرۆڤ و، زێندین مەولود بریکاری وەزارەتی ئەوقاف و، ژمارەیەک لە ئەندامانی پەرلەمان و کەسایەتی ئیداری و ئەکادیمی و، نوێنەری پێکهاتەی ئایینی و نەتەوەیی بەشدار بوون.


لە پانێڵی یەکەمی کۆنفرانسەکە سەرۆکی یەکێتی زانایان بابەتێکی پێشکەش کردو تێیدا تیشکی خستە سەر رەوشی پێکەوەژیانی ئایینی و نەتەوەیی لە کوردستان، کە واقعێکی سەرکەوتووانەی هەیەو لەو نێوەدا گرفتێکی وامان نیە ببێتە هۆی ناشیرین کردنی دۆخەکە، لەو نێوەدا رۆڵی زانایانی ئایینی بەرز نرخاند، کە هەمیشە کاری بۆ ئەم پرسە کردووە.


هەروەها گوتی: راستە موسڵمان زۆرینەن، بەڵام ئەم زۆرینەیە بۆ ئەوە نیە مافی ئەوانی تر پێشێل بکرێت، ئەمەش هەڵقوڵاوی قەناعەتی ئایینی ئیسلامە، کە لە چوارچێوەی کیان و بنەمای برایەتی ئیمانی و ئینسانی و نیشتمانی لەگەڵ یەک هەڵبکەین و پێکەوە لە خزمەتی یەکتر بین، ئەمە هەڵوێست و دیدی زانایانی ئایینیە کە کاری پێکەوەیی و گیانی لێبوردەیی و یەکتر قبوڵکردن بنەمایەکی گرنگە بۆ بەرەو پێشبردنی کۆمەڵگەو نیشتمان.


لەبەشێکی تری قسەکانی گوتیشی:  لە زۆربەی وڵاتان پێکەوەژیانی ئایینی دروشمە و رەنگە کێشەو گرفتی بەردەم بەشێکی پرۆسەی سیاسی وڵاتان بێت، بەڵام خۆشبەختانە لە کوردستان واقع و قەناعەتە، ئەمەش وای کردووە نمونەیەکی جوانی پێکەوەژیانی ئایینی دروست ببێت و ببێتە پاڵپشتێکی بەهێر بۆ کوردستان لەسەر ئاستی دەرەوە، ئەرکی هەمووانیشە بایەخی زیاتر بە پاراستنی ئەم پێکەوەژیانە بدەین و هیچ کات رێگە بەکەس نەدەین ببنە هۆکاری لاوازکردنی ئەم پێکەوە ژیانە.


لە بەشێکی دیکەی قسەکانی سەرۆکی یەکێتی زانایان ئاماژەی بە چەند بەڵگەیەکی زیندووی شەریعەتی ئیسلام کرد لەسەر پرسی پێکەوەژیانی ئایینی و نەتەوەیی و گوتیشی: دەوڵەتی مەدینە کە بەبڕیارو فەرمانی پێغەمبەری ئیسلام (درودی خوای لێ بێت) دامەزرا، رەچاوی پێکهاتەکانی شارەکەی کرد بوو، هەمووان تێدا هاوبەش و رێزلێگیراو بوون، موسڵمان و مەسیحی و جوو و ئەوانی دیکە بەشدار بوون و دەستووری مەدینەی دانی بە مافی هەموویان ناوە، ئەمەش ئاماژەیەکی روونە لە گەورەیی رێزگرتنی ئیسلام لە مافی پێکهاتەکانی دیکە.


شایەنی باسە لە کۆتایی پنێڵەکە سەرۆکی یەکێتی زانایان وڵامی پرسیاری ئامادەبووانی دایەوە، کە لەسەر کرۆکی بابەتەکە ئاراستەی بەرێزیان کران.