تاقیكردنه‌وه‌ی مرۆڤ : له كۆمه‌ڵێك په‌رتووكی قورسه كه پێویستی به توانا و تێكۆشانێكی زۆری قوتابیه.
تاقیكردنه‌وه‌ی خودا : ته‌نها له په‌رتووكێكی ئاسانه ....كه قوڕئانی پیرۆزه.
تاقیكردنه‌وه‌ی مرۆڤ : پرسیاره‌كانی نادیارن تا ساتی ده‌ستپێكردنی تاقیكردنه‌وه.
تاقیكردنه‌وه‌ی خودا : پرسیاره‌كانی دیار و ئاشكرا و ڕوونن پێش تاقیكردنه‌وه :
خوات كێیه ؟
ئایننت چیه ؟
پێغه‌مبه‌رت كێیه ؟
گه‌نجیت چۆن به‌سه‌ر برد ؟
ته‌مه‌نت له‌چی سه‌رف كرد ؟
ئه‌و ماڵ و سامانه‌ت چۆن په‌یدا كرد وه له چیت سه‌رف كرد ؟
ئه‌و زانسته‌ی هه‌تبوو تا چه‌ند كارت پێكرد ؟
تاقیكردنه‌وه‌ی مرۆڤ : وه‌ڵامه‌كه‌ت پێ ناوترێت پێش تاقیكردنه‌وه.
تاقیكردنه‌وه‌ی خودا : وه‌ڵامه‌كه‌ت پێ ده‌ووترێت پێش تاقیكردنه‌وه.
تاقیكردنه‌وه‌ی مرۆڤ : ئه‌و مامۆستا هه‌ڵبژێردراوانه‌ی كه دانراون بۆ شیكردنه‌وه و گوتنه‌وه‌ی وانه‌كان هه‌ڵه و كه‌م و كورتی ده‌كه‌ن.
تاقیكردنه‌وه‌ی خودا : ئه‌و مامۆستا هه‌ڵبژێردراوانه ، له‌لایه‌ن خوای گه‌وره دانراون پاكن و بێ هه‌ڵه و كه‌م و كورتین.
تاقیكردنه‌وه‌ی مرۆڤ : ماوه‌ی وه‌ڵامدانه‌وه‌ی تاقیكردنه‌وه كه كورته و له چه‌ند كاتژمێرێك تێپه‌ڕ ناكات.
تاقیكردنه‌وه‌ی خودا : ماوه‌ی وه‌ڵامدانه‌وه‌ی تاقیكردنه‌وه كه زۆره و درێژه ده‌كێشێت بۆ 70 ساڵ ، كه ته‌مه‌نی مرۆڤه.
تاقیكردنه‌وه‌ی مرۆڤ : خولی دووه‌م ته‌نها یه‌ك جاره و ده‌رچوون و سه‌ركه‌وتن تیاییا زامن نیه.
تاقیكردنه‌وه‌ی خودا : خولی دووه‌می كراوه‌یه تا ساتی مردن ، ده‌رچوون و سه‌ركه‌وتن تیاییا زامنه به فه‌رمانی خوا.
تاقیكردنه‌وه‌ی مرۆڤ : زۆرترین نمره‌ی ( 100) سه‌ده.
تاقیكردنه‌وه‌ی خودا : زۆرترین نمره‌ی (700) حه‌وسه‌ده ، زیاریش له‌مه ئه‌وه‌ی خوای گه‌وره بیه‌وێ بۆی.
تاقیكردنه‌وه‌ی مرۆڤ : ئه‌نجامه‌كه‌ی ته‌نها بۆ دونیایه.
تاقیكردنه‌وه‌ی خودا : ئه‌نجامه‌كه‌ی بۆ دونیا و دواڕۆژه.
تاقیكردنه‌وه‌ی مرۆڤ : له‌بیر ده‌كرێت دوای ڕه‌تبوونی تاقیكردنه‌وه.
تاقیكردنه‌وه‌ی خودا : له‌بیرناكرێت .....پارێزرا و ده‌نوسرێت له په‌رتووكێكی ڕوون.
تاقیكردنه‌وه‌ی مرۆڤ : خه‌ڵات و دیاریه‌كه‌ی له حوبر و وه‌ڕه‌قه پێكهاتووه.
تاقیكردنه‌وه‌ی خودا : خه‌ڵات و دیاریه‌كه‌ی به‌هه‌شتی نه‌بڕاوه‌یه.
عه‌جیب بۆ ئه‌وانه‌ی له تاقیكردنه‌وه‌ی مرۆڤ ده‌رده‌چن و له تاقیكردنه‌وه‌ی خوایی ده‌كه‌ون
وه‌رگێڕانی : هێمن چۆمانی / سۆران
Hemn.soran@gmail.com |
