راگه‌هاندنا لقێ‌ دهۆك:
روژا پێنجشه‌مبی رێكه‌فتی 7/7/2011 ، هه‌ر ئێك ژ رێزدار ( قادر قاچاخ) ئه‌ندامێ‌ ئه‌نجومه‌نێ‌ سه‌ركردایه‌تیا پارتی دیموكراتی كوردستان و، رێزدار ( سه‌لام حه‌مید ) به‌رپرسێ‌ لێژنا ئاشتی یا پارتی‌و، رێزدار ( دز حه‌مید باڤی) ئه‌ندامێ‌ په‌رله‌مانێ‌ عیراقا فیدرال، سه‌ر ل باره‌گایێ‌ لقێ‌ دهوك یێ‌ ئێكه‌تیا زانایێن ئایینیێ‌ ئیسلامێ‌ كوردستانێ‌ دا، ئو هاتنه‌ پێشوازی كرن ژلایێ‌ به‌ڕێز مامۆستا مه‌لا ئه‌نه‌س مه‌لا محمد شریف به‌رپرسێ‌ لقێ‌ دهوكێ‌ ئێكه‌تیا زانایان‌و ستافێ‌ لقێ‌ و، هژماره‌ك ژ ماموستایێن ئایینێ‌ ئیسلامێ‌.

هه‌ژی گۆتنێیه‌: كو به‌ڕێز به‌رپرسێ‌ لقێ‌، خۆشحالیا خۆ ده‌ر بری ب ئاماده‌بونا وان و، ل رونشنه‌كێدا به‌حسێ‌ بارودوخێ‌ نوكه‌یێ‌ كوردستانێ‌ هاته‌كرن و، پاشی به‌حسێ‌ ماموستایێن ئایینی هاته‌ كرن، كو هه‌رده‌م پاڵده‌ر بوینه‌ بۆ خزمه‌تا ئایینێ‌ ئیسلامێ‌ و، پاراستنا وه‌لاتیً خۆ.

ل دوماهیكێ‌، میڤانێن به‌رێز خۆشحالیا خۆ ده‌ربڕی بۆ رۆلێ‌ ماموستایان و، داخازا سه‌ركه‌فتنێ‌ بو خاست.