یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   لقی شەقلاوەی یەکێتی زانایانی ئاینی ئیسلامی کوردستان خولێکی زمان دەکاتەوە    *****    *****   لقی سۆرانی یەکێتی زانایان سمیناری هەفتانەی خۆی ساز دەکات    *****    *****   بەرپرسی لقی هەولێری یەکێتی زانایان بەشداری کردنەوەی دوو مزگەوت لە قەزای خەبات دەکات    *****    *****   گەورە زاناو کەسایەتی دیاری عیراق دکتۆر شێخ عبدالرزاق ئەلسەعدی سەردانی مەکتەبی تەنفیزی یەکێتی زانایان دەکات    *****    *****   سەرۆکی یەکێتی زانایان: وەفاتی زانای ناوداری کوردستانی رۆژهەڵات (مامۆستا مەلا سەید نورەدین واژی) کەلێنێکی گەورەیە بۆ هەموو زانایان    *****    *****   بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی لە سنوری ئیدارەی سەربەخۆی سۆران بەرێوە دەچێت    *****    *****   مامۆستا مەلا عبدالله  مصطفى حەمە کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   بە بەشداری نوێنەری یەکێتی زانایان و دانانی ئاڵای کوردستان کۆنفرانسی جیهانی ئەکادیمیای زانایانی تەسەوف لە ئەستەنبۆڵ بەڕێوە دەچێت    *****    *****   سەرۆکی یەکێتی زانایان لە قەتەر بەشداری پازدەهەمین کۆنگرەی دیالۆکی نێوان ئايینەکان دەکات    *****    *****   مامۆستا مەلا خەیری ئەحمەد رەشید وەک بەرپرسی نوێی لقی شێخانی یەکێتی زانایان هەڵبژێردرا    *****    *****   مامۆستا مەلا عەلی سیامێوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا جەلال مەلا سالح هەڵەبجەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات   
دکتۆر ناصر فەڵەستینی: گەلی کوردو فەڵەستن وەک یەک مەزڵومن و شانازیە بۆ کورد سەلاحەدینی ئەیوبی کوردەو قودسی رزگار کرد
به‌رواری دابه‌زاندن: 23/12/2019 : 12:02:39
قه‌باره‌ی فۆنت

لەمیانەی بەشدار شاندی کورد لە خولی زانستی و نێودەوڵەتی چل و یەکەمینی نامەی عەمان، چاویان بە چەند کەسایەتی و زانای ولاتانی ئیسلامی کەوت و لە چوارچێوەی ئاڵوگۆڕو دیدارەکان لەهەوڵی ئەوە  بوون بۆچوونی ئەوان لەسەر کورد بزانن و لەهەمان کات ئاشایان بکەن بە تایبەتمەندی و مێژوو و واقعی دینداری و نەتەوەیی، یەکێک لەو بەشداربووانە بەرێز دکتۆر ناسر عبدالعزیز دودین بەرێوەبەری ئەوقاف لە وەزارەتی ئەوقافی فەڵەستینی، کە باش ئاشنای کوردو قەزیە نەتەوەییەکەی بوو.


لە چاوپێکەوتنێک و گفتوگۆ لەو بارەوە تایبەت بە سایتی زانایان گوتی: سڵاو دەنێرم بۆ گەلی کورد بەتایبەت کە ئێستا لە پەراویزی خولی نامەی عەمان پێکەوە بەژدارین، کە باس لە لێک تێگەیشتن و قبولکردنی یەکترو دیالۆک دەکات، حەز دەکەم پەیامێک ئاراستەی گەلی کوردی خۆشەویست  بکەم، کە گەلێکی گەورەو موسڵمانن و خاوەنی پێگەیەکی گرنگن لە ویژدانی هەر مرۆڤێکی موسڵمان.


هەروەها گوتی: هەست دەکەین گەلی کورد گەلێکی مەزڵومەو رێک وەک گەلی فەڵەستین، خاوەنی قەزیەیەکی ئینسانیە کە لەمێژە داوای مافی خۆی دەکات، داوای حەقی خۆی دەکات وە ئێمە لە دڵەوە رێز لەو مافەی دەگرین.


ئەو زیاتر گوتیشی: بەسە بۆ کورد شانازی پێوە بکات کە سەڵاحەدینی ئەیوبی کوردەو قودسی رزگار کردووەو شام و میسڕ کردۆتەوە یەک، سەلاحەدینی ئەیوبی سەرکردەی ئۆمەت بووە، ئێستاش جێگەی شانازی و فەخرە.


لە فەڵەستین بە تایبەت لە شاری خەلیل کە شاری منە، چەندین خێزانی کوردی تێدایە ئەتوانم بڵێم بیست و پێنج تا سێ هەزار خانەوادەی کورد لەو شارە هەیەو پێکەوە دەژین و ئەوان لەگەڵ ئێمە هیچ گرفتمان نیە تا ئیمرۆ، بەهەمان شێوە گوندێک هەیە لای ئێمە ژمارەی دانیشتوانی دەگاتە حەوت هەزار کەس هەمووی کوردن.


دکتۆر ناسر گوتیشی: پەیوەندی ئێمە لەگەڵ کورد پەیوەندیەکی مێژوویی و گرنگە، تکام وایە خوای گەورە یارمەتیدەریان بێت بۆ گەیشتن بە ئامانجەکانیان و حەزو ئاواتەکانیان، خوای گەورە خاک و شوێنیان بۆ فەرهەمتر بکات تا بە ئاسودەیی لەسەری بژین و سەقامگیر بن وەک باقی گەلانی تر.


لە کۆتای قسەکانی گوتی: داوا دەکەم خوای گەورە هەردوو گەلی کوردو فەڵەستین سەربخات، چونکە هەردووکیان لە کێشەو مەزلومیەت و قەزیەی ڕەوای گەلەکەیان هاوبەشن.


دیمانە: مەلا عبدالله شێرکاوەیی


عەمان – ئوردەن


22ی12ی2019