یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   مامۆستا مەلا عبدالرحمن قادر ڕوستایی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا فەتاحی شارستێنی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مەکتەبی تەنفیزی یەکێتی زانایان پێشوازی لە سەرۆکی بۆردی باڵای وتاری هەینی و شاندێکی یاوەری دەکات    *****    *****   بۆ پیرۆزبایی کردن لە ساڵیادی دەرچوونیدا سەرۆکی یەکێتی زانایان سەردانی (گوڵان) دەکات    *****    *****   سەرۆکی یەکێتی زانایان پێشوازی لە بەرێوەبەری ئەوقافی ئاکرێ و بەردەڕەش و بەرپرسی لقی ئاکرێی یەکێتی زانایان دەکات    *****    *****   سەرۆکی یەکێتی زانایان پێشوازی لە بەرێوەبەری ئەوقافی شەقڵاوە دەکات    *****    *****   یەکێتی زانایان مەراسیمێکی رێزلێنان بۆ 130 مامۆستای ئایینی و هاوکارانی  راگەیاندنی مەکتەبی تەنفیزی یەکێتی زانایان ساز دەکات    *****    *****   سەرۆکی یەکێتی زانایان کۆمەڵێک نامەی پیرۆزبایی بە بۆنەی جەژنەوە پێ دەگات    *****    *****   یەکێتی زانایانی ئایینی ئیسلامی کوردستان پەیامێکی پیرۆزبایی بە بۆنەی جەژنی رەمەزانی پیرۆز بڵاو دەکاتەوە    *****    *****   مامۆستا مەلا صلاح أحمد تەرخانی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   سەرۆکی یەکێتی زانایان بە پێشکەشکردنی پانیڵێک بەشداری کۆنفرانسی گفتوگۆی بازنەیی تایبەت بە پرسی بەشداری ئافرەت لە کایەی سیاسیدا دەکات    *****    *****   سەرۆکی یەکێتی زانایان: پێکەوەژیان خواستێکی ئایینیەو پێویستە هەمووان رێزی لێ بگرین   
 هەواڵ 

مەکتەبی تەنفیزی یەکێتی زانایان پێشوازی لە سەرۆک و شاندێکی لێژنەی ئەوقافی پەرلەمانی عیراق دەکات
به‌رواری دابه‌زاندن: 10/05/2023 : 13:53:43
قه‌باره‌ی فۆنت

ئەمرۆ 10ی5ی2023 بەرێز د. عبداللە مەلا وەیسی سەرۆکی یەکێتی زانایان و بە ئامادەیی مامۆستا مەلا جەلال خەیلانی جێگری سەرۆک و ژمارەیەک لە ئەندامانی مەکتەبی تەنفیزی و سەرکردایەتی پێشوازیان لە لێژنەی ئەوقافی پەرلەمانی عیراق بەسەرۆکایەتی بەرێز د. مەحمود مەشهەدانی سەرۆکی لێژنەی ئەوقاف لە پەرەلەمانی عیراق کرد.


لە دانیشتنێکدا سەرەتا د. محمود مەشهەدانی خۆشحاڵی خۆی بە سەردانی یەکێتی زانایان لەهەرێمی کوردستان دەربڕی و دواتر لەبارەی دۆخی ئێستاو ئەرکی دامەزراوەیی ئایینی و یاسایی و پێویستی هۆشیاربوون لە بیری توندڕەوی و رۆڵی زانایانی ئایینی لە رووبەڕووبوونەوەی هۆکارەکانی دروستبوونی توندڕەوی کردو رۆڵی یەکێتی زانایانی بەتایبەت وەک تاکە چەترو مەرجەعی زانایانی کورد لەم بوارە بەرز نرخاند.


دواتر بەرێز د. عبدالله مەلا وەیسی سەرۆکی یەکێتی زانایان وێڕای دووبارە بەخێرهێنان و خۆشحاڵی دەربڕین بەسەردانی شاندنی ناوبراو بۆ مەکتەبی تەنفیزی یەکێتی زانایان، پوختەیەکی لە ئەجێندای کاری پیشەیی و رێکخراوەیی یەکێتی زانایان خستەڕوو، دواتر ئاماژەی بەوەدا کە بیری توندڕەوی مەترسیەکی گەورەیە لەناو هەر کۆمەڵگەیەک هەبێت، خۆشبەختانە لە هەرێمی کوردستان بەهەماهەنگی وەزارەتی ئەوقاف و دەزگا پەیوەندیدارەکان تواندراوە بیری توندڕەوی رێی لێ بگیرێت، راشیگەیاند ئەرکی هەموولایەکە رووبەڕووی ئەم هەنگاوە بینیەوەو رێگە لە توندڕەوی بگرین، هەروەها ئاماژەی بەوە کرد کە گرنگە پەرلەمانی عیراق لەرێی یاساوە رەچاوی تایبەتمەندی و دۆخی ئایینی و دامەزراوەیی ئایینی لە عیراق بکات و هەوڵبدات کۆنگرەو دیداری نێوان پێکهاتەی زانایان و ناوەندو دامەزراوە ئایینیەکان بەئاراستەی لێکنزیکی و بەرژەوەندی گشتی ببات، گوتیشی: ئێمە وەک یەکێتی زانایان پەیوەنجی باشمان لەگەڵ سەرجەم دامەزراوە ئایینیەکانی عیراق بە جیاوازی ئاراستەو بۆچوونەوە هەیەو دەزانین خاڵی هاوبەشمان زۆرەو ئەرکی هەموو لایەکە کار لەپێناو باشترکردنی دۆخی عیراق و پەیوەندییەکان بکەین، زیاتریش بایەخ بە حوزوری دامەزراوەو زانایانی ئایینی کورد بدرێت لە ناو کۆڕو دیدارو بڕیاری پەیوەست بە بواری ئایینی لە عیراق.


دواتر بەرێز د. حسن موفتی سەرۆکی ئەنجومەنی باڵای فەتوا ئاماژەی بەوە کرد کە کوردستان لەرووی رێشەکێشی توندڕەوی کاری باشی کردووەو لەرووی فیقهیەوە پابەندی مەزهەبەو ئەرکیشە هەمووان رێز لە توراسی فیقهی و ئیجتیهادی گەورە زانایانی ئیسلام بگرین.


شایەنی باسە لە دیدارەکە تەئکید لە هەماهەنگی و پێویستی پەیوەندی دوولایەنە کرایەوەو چەند پرس و بابەتێکی دیکەی پەیوەست بەهەردوولا گفتوگۆی لەبارەوە کرا.