یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   مامۆستا مەلا شێخ عابد کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مەکتەبی تەنفیزی یەکێتی زانایان پێشوازی لە بەڕێوەبەری گشتی سامانی ئاژەڵ و ڤێتێرنەری دەکات    *****    *****   بە ئامادەبوونی سەرۆکی یەکێتی زانایان دیدارێکی تایبەت بە رۆژی جیهانی رووبەڕوو بوونەوەی وتاری رقەبەری بەڕێوە دەچێت    *****    *****   مامۆستا مەلا زبێر شێخە لاسەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   یەکێتی زانایان: داوا لە حاجیان دەکەین قوربانیەکانیان لە کوردستان ئەنجام بدەن    *****    *****   مامۆستا مەلا عەلی حەمە ڕەسول گێڵدەرەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   دکتۆر عرفان رەشید سەرۆکی ئەنجومەنی باڵای فەتوای حەج: رۆژانە لە خزمەتی حاجیان داین و کارەکانمان بە رێکو پێکی بەرێوە دەچێت    *****    *****   یەکێتی زانایان سیمینارێکی تایبەت بە ناونیشانی (نەفامی لە نێوان پیرۆزکردن و بە دامەزراوەیی کردندا) بەرێوە دەبات    *****    *****   سەرۆکی یەکێتی زانایان بە یاوەری شاندێک لە شاری سلێمانی چەند دیدارو سەردانێک ئەنجام دەدات    *****    *****   مەکتەبی تەنفیزی یەكێـتی زانایان پێشوازی لە بەڕێوەبەری گشتی چاكسازی كۆمەڵایەتی دەکات    *****    *****   بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی لە پیرمام بەرێوە دەچێت    *****    *****   مامۆستا مەلا ئەحمەد خاروکی تەرمەکەی دۆزرایەوەو یەکێتی زانایان پرسەو هاوخەمی خۆی بۆ خانەوادەکەی رادەگەینێت   
یەکێتی زانایان لە کۆبوونەوەی فراوانی ئاسایی خۆیدا چەند پرسێکی گرنگ تاوتوێ دەکات
به‌رواری دابه‌زاندن: 28/05/2023 : 16:31:11
قه‌باره‌ی فۆنت

ئەمرۆ ۲۸ی۵ی۲٠۲۳ بە سەرپەرشتی بەرێز د. عبدالله مەلا وەیسی سەرۆکی یەکێتی زانایان و ئامادەبوونی مامۆستا مەلا جەلال خەیلانی جێگری سەرۆک و ئەندامانی مەکتەبی تەنفیزی و ئەنجومەنی ناوەندی کۆبوونەوەی فراوانی سەرکردایەتی یەکێتی زانایان لەبارەگای مەکتەبی تەنفیزی لە شاری هەولێر بەرێوە چوو.
سەرەتای کۆبوونەوە بەرێز سەرۆکی یەکێتی زانایان سوپاسی مەکتەبی تەنفیزی ئاراستەی ئەنجومەنی سەرکردایەتی و لقەکانی یەکێتی زانایان کرد، لەهەمبەر خزمەت و رۆڵی بەرچاویان لەماوەی رابردوو.


دواتر تیشکی خستە سەر دوا هەنگاوەکانی یەکێتی زانایان و چەند تەوەرێکی ناوخۆی یەکێتی زانایان و پرسی دیکەی پەیوەست بە رەوشی ئایینی و پیشەیی و کۆمەڵایەتی و زانستی لە هەرێمی کوردستان، بەتایبەت جوانتر بەرێوەبردنی کارەکان و خزمەتکردنی زانایان و دانانی بەرنامەی تێروتەسەل بۆ زیاتر خزمەتی ئایینی پیرۆزی ئیسلام و گەیاندنی پەیامی میانرەوی و پێکەوە ژیان و ریزگرتن لە یەکتری و هەست کردن بە بەرپرسیارێتی ئایینی و پەروەردەیی.
لەتەوەرێکی تری کۆبوونەوە باس لەچەند هەنگاوێکی پەیوەست بە بەرەو پێشبردنی ئاست و شیوەی کارکردنی لقەکان کرا بەتایبەت نزیکبوونەوە لە زانایان و وتاربێژان و دروستکردنی پێشبڕکێی زانستی و بەرزکردنەوەی توانستی زانایان.
باس لە چۆنیەتی پاراستنی هەویەی ئیسلامی و کاراترکردنی شێوازی بانگەوازو بایەخدان بە بیری وەستیەت و هەماهەنگی نێوان دامەزراوەیی ئایینی و لێکنزیکی پتری زانایان و هەڵسەنگاندنی کارو هەنگاوەکان.
هەروەها باس لە دۆخی ئێستای ئیعلامی و کاریگەری سۆشیال میدیاو هۆشیار بوون لە پرسە هەستیارەکان و رەچاوکردنی دووربینی و رەهەندی ئایینی و نیشتمانی بەتایبەت گواستنەوەی هەندێ بابەتی ناو سۆشیال میدیا بۆ سەر مینبەرو ئاراستەکردنەوەی بۆ ناو کۆمەڵگە.
بابەتی هەستیاری فەتواو چۆنیەتی رێکخستنەوەی پترو بەرچاو ڕوونی زانایان لەم بارەوە، بۆ ئەوەی رێ لەفەوزاو پەرتەوازەیی و فەتوای لابەلا بگیرێ و زیاتر خزمەتی یەکستنەوەی رەوشی ئایینی بکرێت، بۆ ئەم مەبەستە جەخت لە پێویستی ئەنجامدانی کۆنگرەی هاوبەشی یەکێتی زانایان و وەزارەتی ئەوقاف سەبارەت بە رێکخستنەوەی دروشمە ئایینیەکان کرایەوە.
شایەنی باسە لە کۆبوونەوەکەدا مامۆستایانی بەشدار بوو وێڕای خستنەڕووی سەرنج و تێڕوانینەکانیان، چەند تەوەرێکی دیکەی پەیوەست بە رەوشی ئایینی و کاری پیشەیی و زانایان و کاروباری ناوخۆیی و تایبەتی یەکێتی زانایان تاوتوێ کراو سەرکەوتووانە کۆبوونەوەکە کۆتایی هات.