یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   گەورە زاناو کەسایەتی دیاری عیراق دکتۆر شێخ عبدالرزاق ئەلسەعدی سەردانی مەکتەبی تەنفیزی یەکێتی زانایان دەکات    *****    *****   سەرۆکی یەکێتی زانایان: وەفاتی زانای ناوداری کوردستانی رۆژهەڵات (مامۆستا مەلا سەید نورەدین واژی) کەلێنێکی گەورەیە بۆ هەموو زانایان    *****    *****   بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی لە سنوری ئیدارەی سەربەخۆی سۆران بەرێوە دەچێت    *****    *****   مامۆستا مەلا عبدالله  مصطفى حەمە کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   بە بەشداری نوێنەری یەکێتی زانایان و دانانی ئاڵای کوردستان کۆنفرانسی جیهانی ئەکادیمیای زانایانی تەسەوف لە ئەستەنبۆڵ بەڕێوە دەچێت    *****    *****   سەرۆکی یەکێتی زانایان لە قەتەر بەشداری پازدەهەمین کۆنگرەی دیالۆکی نێوان ئايینەکان دەکات    *****    *****   مامۆستا مەلا خەیری ئەحمەد رەشید وەک بەرپرسی نوێی لقی شێخانی یەکێتی زانایان هەڵبژێردرا    *****    *****   مامۆستا مەلا عەلی سیامێوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا جەلال مەلا سالح هەڵەبجەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا عبدالرحمن قادر ڕوستایی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا فەتاحی شارستێنی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مەکتەبی تەنفیزی یەکێتی زانایان پێشوازی لە سەرۆکی بۆردی باڵای وتاری هەینی و شاندێکی یاوەری دەکات   
 هەواڵ 

رادیۆی ژیان به‌ فه‌رمی كرایه‌وه‌
به‌رواری دابه‌زاندن: 09/12/2010 : 08:37:33
قه‌باره‌ی فۆنت
دوێنی چوارشه‌ممه‌ رێكه‌وتی 8/12/2010 به‌رامبه‌ر به‌ 2ی موحه‌ڕه‌می 1432ی كۆچی، كاتژمێر 3ی پاش نیوه‌ڕۆ له‌ ئاهه‌نگێكی خنجیلانه‌دا له‌ نێو باره‌گای رادێۆی ژیان، به‌ ئاماده‌بوونی به‌ڕێز كاوه‌ مه‌حمود وه‌زیری رۆشنبیری‌و، به‌ڕێز عوسمان موفتی نوێنه‌ری وه‌زیری ئه‌وقاف‌و كاروباری ئاینی‌و، دكتۆر قادر راگری كۆلێژی زانسته‌ ئیسلامیه‌كان‌و، ژماره‌یه‌كی زۆری زانایانی ئاینی شاری هه‌ولێرو ده‌وروبه‌ری، رادیۆی ژیانی ده‌نگی یه‌كێتی زانایانی ئاینی ئیسلامی به‌ فه‌رمی كرایه‌وه‌.

سه‌ره‌تای ئاهه‌نگه‌كه‌، دوای پێشه‌كه‌شكردنی چه‌ند ئایه‌تێك له‌ قوڕئانی پیرۆز، وته‌ی به‌خێرهێنان له‌ لایه‌ن به‌ڕێز مامۆستا شێخ ئاوات به‌رێوه‌به‌ری رادیۆ پێشكه‌شكرا، دواتر له‌ لایه‌ن به‌رێز مامۆستا مه‌لا عه‌بدوڵڵا مه‌لا سه‌عید گرتكی سه‌رۆكی یه‌كێتی زانایانی ئاینی ئیسلامی كوردستان وته‌یه‌ك پێشكه‌شی ئاماده‌بووان كراو، تیایدا تیشكی خسته‌ سه‌ر گرنگی راگه‌یاندنی ئاینی‌و، هه‌وڵ‌و كۆششی یه‌كێتی زانایان بۆ به‌ره‌و پێشبردنی ئه‌م بواره‌، كه‌ خۆی بینیوه‌ته‌وه‌ له‌ كردنه‌وه‌ی رۆژنامه‌و سایت‌و، ئێستایش رادیۆ، ئومێدیش ده‌كه‌ین كه‌ له‌ ماوه‌ی داهاتوودا، به‌ هه‌وڵی هه‌موولایه‌ك بتوانین ته‌له‌فزیۆنێكی سه‌ربه‌خۆشمان هه‌بێت.

دواتر له‌ وته‌یه‌كدا به‌ڕێز وه‌زیری رۆشنبیری، هه‌وڵ‌و كۆشش‌و ماندوبوونی یه‌كێتی زانایانی به‌رز نرخاند‌و، كردنه‌وه‌ی رادیۆی ژیانیشی به‌ خاڵێكی وه‌رچه‌رخان‌و نوێ‌‌و تازه‌گه‌ری هه‌ژمارد‌و، هه‌موو پیشتیوانیه‌كی خۆیشی دوپاتكرده‌وه‌ بۆ ده‌زگاو رادیۆی یه‌كێتی زانایانی ئیسلامی.

پاشان به‌رێز عوسمان موفتی وه‌ك نوێنه‌ری وه‌زیری ئه‌وقاف وته‌یه‌كی پێشكه‌شكرد‌و، خۆشحاڵی خۆی نیشاندا به‌رامبه‌ر به‌ ده‌ستپێشخه‌ریو هه‌وڵی ماندوونه‌ناسانه‌ی یه‌كێتی زانایان‌و، رادیۆی ژیانی وه‌ك رادیۆو زمانحاڵی وه‌زاره‌تی ئه‌وقاف پێناسه‌كرد.

دواتر به‌ یه‌كه‌وه‌ هه‌ریه‌ك له‌ وه‌زیری رۆشنبیری‌و نوێنه‌ری وه‌زیری ئه‌وقاف‌و، میوانانی به‌ڕێز به‌ره‌و ژووری كۆنتڕۆڵ‌و په‌خشی رادیۆ به‌ڕێكه‌وتن‌و، به‌ خۆشحاڵیه‌وه‌ هه‌ر یه‌كه‌و له‌ لایه‌ن خۆیه‌وه‌ له‌سه‌ر بڵندگۆی رادیۆی ژیان، وته‌یه‌كی كورتیان پێشكه‌ش كرد‌و، پیرۆزبایی خۆیان ئاڕاسته‌ی جه‌ماوه‌ری شاری هه‌ولێركرد‌و، پاشان كۆتایی به‌ ئاهه‌نگه‌كه‌ هات.
ئێستا هاوڵاتیانی هەولێر‌و دەور‌و بەری دەتوانن لەسەر (94.50) (FM) رادیۆی ژیان دەنگی یەكێتی زانایانی ئایینی ئیسلامی كوردستان گوێبیست ببن.