محەمەد بەرزنجی . سوید
ئەگەر چی شارستانیتی ئەمرۆی ئەوروپا لە چلە پۆدایە لە رووی پیشكەوتنی مادییەوە بەلام ئەم لایەنە بە تەنها ناتوانیت ئاسودەیی وئارامی بۆ دلەكان فەراهم بینیت بگرە ئازارو مەینەتیەكانی مرۆڤیش زیاتر دەكات , تەنها دەتوانی گەدەو گیرفانی پر بكات , ئەگەر بنەمایەكی رۆحی و ئیمانی لە هەناوی مرۆڤەكاندا نەبیت ئەوا تیاچون چاوەروانیتی, هەر كۆمەلگاو شارستانیتیەك لایەنی رۆحی و ئیمانی فەرامۆش كرد ئەوا هەست بە چیژی لایەنە مادیەكەش ناكات , لیرەوە بۆمان دەردەكەویت پەیامی خواییی هەمیشە ناحی مرۆڤەكان ئاسودەو بەختەوەر دەكات و تیان دەگەینیت بۆچی ئەژین و پەیامی ئیمە چیە لەسەر ئەم زەمینە , هەر لەم روانگەوە رۆژانە پۆل پۆل كەسانی ئەكادیمی نیو زانكۆ و دامودەزگاكان باوەش بۆ ئاینی ئیسلام دەكەنەوە , وا رۆژی 9-12-2010 قوتابیەكی زانكۆی یۆتۆبۆری تەمەن 22 ساڵا لە بەشی پەروەدەو پیگەیاندن بەناوی ئانیكا لیدل لە بەردەم بانگخواز مامۆستا ئەحمەد موفتی موسولمان بونی خۆی راگەیاند لە ناو مەكتەبی راگەیاندنی ئیسلامی سویدی .

هەروەهارۆژی 2-12-2010 ئەندازیاریكی شەریكەی ئۆتۆمبیلی ڤۆلڤۆی سوید لە شاری یۆتۆبۆری بەناوی ستیگ بیكست تەمەن 47 سال لە ناو مەكتەبی راگەیاندی ئیسلامی سویدی لەسەر دەستی بانگخواز مامۆستا ئەحمەد موفتی موسولمان بوونی خۆی راگەیاند . رۆژی پێشتریش ئەندازیاریكی بیناسازی سویدی تەمەن 36 سال بەناوی ئەندریاس بیتەرسۆن موسولمان بوونی خۆی راگەیاند, لەسەر دەستی مامۆستای بانگخواز لە هەمان شاردا , ئەندریاس بیتەرسۆن ئەوەندە سۆزو خۆشەویستی كەعبەی پیرۆزی لە دلدا بوو , هەر ئاواتی ئەوەی دەخواست بە زووترین كات زیارەتی مالی خودای گەورە بكات . ئەوەی جیگەی ئاماژە بۆ كردنە تەنها لە ماوەی ئەم هەفتەیە دوو ئەندازیارو هۆنەرمەندو مۆسیقاژەنیكی سویدی موسولمان بونی خۆیان راگەیاندوە لەسەر دەستی ئەم بانگخوازە ماندو نەناسەی ئیسلام , لە كۆتاییدا هیوای تەمەن درێژی بۆ مامۆستا ئەحمەد موفتی دەخوازین. مامۆستا ئەحمەد ئەندامی شۆرای رابیتەی ئیسلامی, هەموو رۆژانی یەك شەمە لە شاری یۆتۆبۆری وتاریك پیشكەش دەكات لە ناو مەكتەبی راگەیاندی ئیسلامی سویدی , تاوەكو ئیستا زیاتر لە 190 كەسایەتی سویدی موسولمان بونی خۆیان راگەیاندوە لە لایەن ئەم بانگخوازە كوردە..