دانا مه‌لا حه‌مه‌ئه‌مین/گه‌رمیان_ zanayan.org:
سه‌ر له به‌یانی ڕۆژی دووشه‌ممه 26/7/2010 مزگه‌وت و خانه‌قای حه‌زره‌تی سیراج الدین له‌قه‌زای كه‌لار به به‌شداری زانایانی ئاینی و لێپرسراوانی حوكمی و حزبی و شێخانی ته‌ریقه‌ت و ریش سپی و پیاو ماقوڵانی ناوچه‌كه كرایه‌وه.
له ئاهه‌نگێكدا كه به‌و بۆنه‌یه‌وه ڕێكخرابوو چه‌ند ووتار و هۆنراوه و سروودی ئاینی پێشكه‌ش كرا، به‌ڕێز م. مه‌لاحمه‌أمین كه‌لاری ئه‌ندامی مه‌كته‌بی ته‌نفیزی‌و به‌رپرسی لقی گه‌رمیانی زانایان وتاری یه‌كێتی زانایانی ئاینی ئیسلامی كوردستانی خوێنده‌وه‌‌و، تێیدا پیرۆزبایی كردنه‌وه‌ی ئه‌و مزگه‌وته‌ی له ئاماده‌بوان به‌گشتی و دانیشتوانی ئه‌و گه‌ڕه‌كه به‌تایبه‌تی كرد و، به‌ناوی مه‌كته‌بی ته‌نفیزیه‌وه ده‌ست خۆشی له‌دروستكه‌ر و ته‌واوی ئه‌و كه‌سانه كرد، كه به‌شداربوون له‌دروستكردنی ئه‌م ماڵی خودا‌و، دواتر به‌ڕێزیان تیشكیان خسته سه‌ر پیرۆزی مزگه‌وت له ئاینی پیرۆزی ئیسلامدا‌و، رۆڵ و گرنگی و كاریگه‌ری له بنیاتنانی كۆمه‌ڵگه‌ی كورده‌واریدا.
شایانی ئاماژه پێدانه هه‌ر له‌و ئاهه‌نگه‌دا بڕوانامه‌ی زانستی مه‌لایه‌تی به‌خشرایه سێ له فه‌قێیانی حوجره‌ی نه‌قشبه‌ندی له‌سنوره‌كه‌دا .
| 
شاندێکی زانایانی تورکیاو یەمەن و مەغریب لە ئەکادیمیای جیهانی زانایانی تەسەوف سەردانی مەکتەبی تەنفیزی یەکێتی زانایان دەکات
