به‌ناوی خوای به‌خشنده‌ی میهره‌بان
دوێنێ له دوای نوێژی هه‌ینی چه‌ند که‌سێك ده‌ستدرێژیان کردۆته سه‌ر مامۆستا مه‌لا نادر که‌نیکورده‌یی له مزگه‌وته‌که‌ی له شاری هه‌ولێر، ئێمه وه‌کو یه‌کێتی زانایان ئه‌م کاره دوور له نابه‌رپرسیارێتییه به تووندی ئیدانه ده‌که‌ین و، به کارێکی تێکده‌رانه‌و گێره‌شێوێنی ده‌زانین.
ئه‌گه‌ر چاوێك به مێژووی گه‌لی کورددا بخشێنینه‌وه، ده‌بینین هه‌میشه زانایانی ئایینی خاوه‌ن پێگه‌یه‌کی به‌رز بوونه، به‌ڵام هه‌ست ده‌که‌ین ئه‌م هه‌سته خه‌ریکه به‌ره‌و سستی و کاڵبوونه‌وه ده‌چێت، هه‌موو لایه‌کیش له‌م هه‌نگاوه زیانمه‌ند ده‌بین، بۆیه لێره‌وه داوا ده‌که‌ین هه‌موو لایه‌ك به هاوڵاتیان و به‌رپرسان و زانایانی ئایینییه‌و ئه‌م پێگه‌یه بپارێزن، کارێك نه‌کرێت که‌سایه‌تی مه‌عنه‌وی ئه‌م پێگه‌یه بله‌رزێنێت.
پێشمان وایه مامۆستایان مافی خۆیانه له‌گه‌ڵ ژان و ئازاره‌کانی هاوڵاتیان دابن و، داکۆکی له داخوازی هاوڵاتیان بکه‌ن، له هه‌مان کاتیشدا پێمان وایه پێویسته مامۆستایانی ئایینی وه‌کو مێژووی پڕ سه‌روه‌ریان پارێزگاری له ئاشتی و ئارامی و ته‌بایی و ئاشتی کۆمه‌ڵایه‌تی بکه‌ن.
هه‌روا داوا له ده‌زگا ئه‌منییه‌کانی ده‌که‌ین ئیجرائاتی تووند بگرنه به‌ر بۆ رێگه‌گرتن له دووباره‌بوونه‌وه‌ی ئه‌م کارا نامه‌سئولانه‌یه، بۆ ئه‌وه‌ی هه‌موو که‌سێك له‌سه‌ر گیان و ماڵیان دڵنیا بن.
لقی هه‌ولێری
یه‌کێتی زانایانی ئایینی ئیسلامی کوردستان
20/2/2016
شاندێکی زانایانی تورکیاو یەمەن و مەغریب لە ئەکادیمیای جیهانی زانایانی تەسەوف سەردانی مەکتەبی تەنفیزی یەکێتی زانایان دەکات
