به‌ناوی خوای به‌خشنده‌ی میهره‌بان
ئه‌مڕۆ هه‌ینی (7/7/2017) مامۆستا (مه‌لا حازم صدیق عه‌لی) ناسراو به مه‌لا (ئه‌حمه‌دی دێرێ) وتارخوێنی مزگه‌وتی ره‌حمان له قه‌ڵادزێ، دوای ته‌واوکردنی وتاری هه‌ینی له‌به‌ر ده‌رگای مزگه‌وت به رێژنه‌یه‌ك گوله شه‌هید کرا.
به توندی ئیدانه‌ی ئه‌م کاره نامرۆڤانه‌یه ده‌که‌ین، جا له‌ژێر هه‌ر ناوو بۆ هه‌ر مه‌به‌ستێك بێت، هیچ پاساوێك هه‌ڵناگرێت، لێره‌وه داوا له دام ده‌زگا ئه‌منییه‌کان ده‌که‌ین به زووترین کات سه‌ره‌داوی رووداوه‌که ئاشکرا بکه‌ن و، تاوانبار به سزای یاسایی بگه‌یه‌نن، چونکه ئه‌مه وێڕای کوشتنی مرۆڤ، ده‌ستدرێژیکردنه بۆ سه‌ر دام و ده‌زگاکانی ده‌وڵه‌تیش به‌و پێیه‌ی حکومه‌ت مزگه‌وت وه‌ك به‌شێك له فه‌رمانگه‌کانی خۆی ده‌زانێت، له هه‌مان کاتدا بێرێزییه به‌رامبه‌ر هاوڵاتیان و نوێژخوێنانی مزگه‌وت، دیاره پێشتریش هه‌ر له‌و سنووره مامۆستایه‌کی دیکه رفێندراوه‌و تا ئێستاش بێ سه‌رو شوێنه. بۆیه هه‌ر که‌م و کوڕی و خه‌مساردییه‌ك دام و ده‌زگاکانی ئه‌م ده‌ڤه‌ره ده‌خاته ژێر پرسیاره‌وه.
یه‌کێتی زانایانی ئایینی ئیسلامی کوردستان
7/7/2017
یەکێتی زانایان بە هاوبەشی سەنتەری روح ئەلحەیات دیدارێکی زانستی (چارەسەری تەندروستی لە نێوان شەریعەت و زانستی پزیشکیدا) بەرێوە دەبات
یەکێتی زانایان مەراسیمێکی رێزلێنان بۆ 130 مامۆستای ئایینی و هاوکارانی راگەیاندنی مەکتەبی تەنفیزی یەکێتی زانایان ساز دەکات
