یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   یەکێتی زانایانی ئایینی ئیسلامی کوردستان و قەداسەتی پاتریاک مار ئاوای سێیەم پاتریاکی کەنیسەی رۆژھەڵاتی ئاشووری لەجیھان ديدارێک ئەنجام دەدەن    *****    *****   سەرۆکی یەکێتی زانایان سەردانی سەرۆکی فەرمانگەی رێکخراوە ناحکومیەکانی هەرێم دەکات    *****    *****   مەکتەبی تەنفیزی یەکێتی زانایان کۆدەبێتەوە چەند پرسێکی گرنگ تاوتوێ دەکات    *****    *****   یەکێتی زانایانی ئایینی ئیسلامی کوردستان و بەرێوەبەرایەتی گشتی چاکسازی مەراسیمێکی رێزلێنان بۆ 58 زانایانی ئایینی ساز دەکەن    *****    *****   مامۆستا شێخ جەلال بەرزنجی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا حسن دوگۆمانی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   شاندێکی باڵای ئەنجومەنی روحانی ئێزیدی لەسەر سوکایەتیەکانی قاسم شەشۆ سەردانی مەکتەبی تەنفیزی یەکێتی زانایان دەکات    *****    *****   مامۆستا شێخ محمد خۆشکانی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   یەکێتی زانایان سکاڵای یاسایی لەسەر قاسم شەشۆ تۆمار دەکات    *****    *****   ڕاگەیێندراوێکی ھاوبەش لە وەزارەتی ئەوقاف و کاروباری ئایینی و یەکێتی زانایانی ئاینی ئیسلامی کوردستانەوە    *****    *****   شاندێکی باڵای مەکتەبی تەنفیزی یەکێتی زانایان سەردانی بۆردی باڵای وتاری هەینی لە وەزارەتی ئەوقاف دەکات    *****    *****   لەسەر ئاستی باڵا یەکێتی زانایان و وەزارەتی ئەوقاف و کاروباری ئایینی لە کۆبوونەوەیەکی تایبەتدا چەند پرسێک تاوتوێ دەکەن   
 هەواڵ 

چەمچەماڵ : شاندێكی فراوانی لقی گەرمیان بەڕێوەبەرایەتی ئەوقاف و لقی زانایان بەسەردەكاتەوە
به‌رواری دابه‌زاندن: 11/09/2012 : 15:24:16
قه‌باره‌ی فۆنت

دانامەلاحەمەئەمین – گەرمیان :

بەمەبەستی گەیاندنی پەیامی پیرۆزبایی بەبۆنەی دەستبەكاربونی بەڕێوەبەری نوێی ئەوقافی گەرمیان سەرلەبەیانی ڕۆژی یەك شەممە بەرواری 9/ئەیلول/2012 شاندێكی فراوانی لقی گەرمیانی یەكێتی زانایانی ئاینی ئیسلامی كوردستان سەردانی بەڕێوەبەرایەتی ئەوقافی گەرمیانیان كرد لەشاری چەمچەماڵ و لەلایەن عومەر فارس بەڕێوەبەری نوێی ئەوقاف و كارمەندانی بەڕێوەبەرایەتیەكەوە بەگەرمی پێشوازی كران

سەرەتا بەڕێز مامۆستا مەلا حەمەئەمین كەلاری بەرپرسی لقی گەرمیان بەناوی شاندی لق و زانایانی ئاینی دەڤەری گەرمیانەوە بەگەرمی پیرۆزبایی ئاراستەی حاجی عومەر فارس كرد بەبۆنەی دەستبەكاربونی وەكو بەڕێوەبەری نوێی ئەوقافی گەرمیان و هیوای سەركەوتنی بۆخواست لە ئیش و كارەكانیدا و داوای لێ‌ كرد بەهەستكردن بەبەرپرسیارێتی یەوە كارەكانی ئەنجامبدات لەپێناو خزمەتكردن بەزانایانی ئاینی و فەرمانبەرانی بەڕێوەبەرایەتی یەكەی , هەروەها ئاماژەشی بەوەكرد كە پێویستە هەماهەنگی تەواو لەنێوان لقەكانی یەكێتی زانایان و بەڕێوەبەرایەتی یەكانی ئەوقاف هەبێت و هەردوكیانی بەتەواوكەاری یەكتری وەسف كرد ئەویش بەوەی ڕاوێژو ڕاگۆڕینەوەو گیانی هاوكاری لەنێوان هەردوولادا دروستبێ‌ چونكە هەم بەڕێوەبەرایەتی یەكانی ئەوقاف و هەم لقەكانی یەكێتی زانایان لەپێناو خزمەتكردنی مامۆستایانی ئاینی و خزمەتكردنی شوێنە پیرۆزەكان هاتونەتە بوون ...

لەبەرامبەریشدا بەڕێز عومەر فارس بەڕێوەبەری ئەوقافی گەرمیان سوپاسی شاندی زانایانی كردو ماندوبونیانی بەرزنرخاند و بەڵێنی هەمووجۆرە هاوكاری و هەماهەنگی یەكی نێوانیانی دا.

هەرهەمان ڕۆژ شاندی لقی گەرمیان لەشاری چەمچەماڵ سەردانی بارەگای لقی چەمچەماڵی یەكێتی زانایانیان كردو لەلایەن مامۆستاشێخ وەهاب سەنگاوی بەرپرسی لق و كۆمەڵێك لەمامۆستایانی ئاینی یەوە بەگەرمی پێشوازی كران و بەرپرسی لقی گەرمیان لەووتەیەكدا پێویستی هەماهەنگی هەردوولقی چەمچەماڵ و گەرمیانی باس كرد بەحوكمی هاوسنوری كاری ڕێكخراوەییان و سەردانەكەشی بەهەنگاوێكی باش زانی بۆ زیاتر ئاشناكردنی زانایانی ئاینی بەیەكترو قوڵكردنەوەی گیانی برایەتی و خۆشەویستی نێوان زانایانی ئاینی .

شایانی باسە شاندی لق پێكهاتبوو لەبەڕێز مامۆستا مەلا حەمەئەمین كەلاری ئەندامی مەكتەبی تەنفیزی و بەرپرسی لقی گەرمیان و مامۆستا مەلا سەلام تاوگۆزی جێگری لێپرسراوی لق و بەڕێزان مامۆستا مەلا عومەر فارس و مامۆستا مەلا ئیدریس ژاڵەیی ومامۆستا مەلا محمد حەمەئەمین و مامۆستا مەلا سەلام گەرمكی كارگێڕانی لق و مامۆستا مەلا محمد مەلا قادر ئەندامی لق و بەڕێزان مامۆستا مەلا كەریم فەرەج و مامۆستا مەلا ئەحمەد محمد ئیسماعیل ئەندامانی فەتوای لق و مامۆستا مەلا محمد ئاوبار بەرپرسی ناوچەی دەربەندیخان و مامۆستا مەلا عەبدولهادی هیدایەت پێش نوێژو ووتارخوێنی مزگەوتی خێرخوازان لەناحیەی ڕزگاری