راگه‌یاندنی وه‌زاره‌تی ئه‌وقاف
وه‌زاره‌تی ئه‌وقافی حكومه‌تی هه‌رێمی كوردستان داوا له‌سه‌رۆكایه‌تی ئه‌نجومه‌نی وه‌زیران ده‌كات، ده‌رماڵه بۆ
مامۆستایانی ئایینی خه‌رجبكرێت.
(كامیل حاجی عه‌لی) وه‌زیری ئه‌وقاف‌و كار‌وباری ئایینی حكومه‌تی هه‌رێمی كوردستان بۆ ئاژانسی هه‌واڵی ناوخۆی ڕوونكرده‌وه، داوایان له‌سه‌رۆكایه‌تی ئه‌نجومه‌نی وه‌زیران كردووه، كه پێشنوێژو وتاربێژان وه‌كو به‌رپرسی به‌ش ئه‌ژمار بكرێن‌و هاوشێوه‌ی فه‌رمانگه‌كانی دیكه‌ی حكومه‌ت، ده‌رماڵه‌یان بۆ خه‌رجبكرێت.
وه‌زیری ئه‌وقاف ئه‌وه‌شی خسته‌ڕوو، مامۆستایانی ئایینی به‌تایبه‌ت پێشنوێژه‌كان، چونكه هه‌میشه له‌مزگه‌وته‌كاندان‌و چه‌ند كه‌سێكیشیان له‌ژێر ده‌ستدایه‌‌و شه‌وو ڕۆژ له‌خزمه‌تی خه‌ڵكدان، بۆیه ڕه‌وایه جۆرێك له‌ده‌رماڵه‌یان بۆ خه‌رجبكرێت.
وتیشی:" هه‌رچه‌نده چه‌ند جارێك ئه‌و داواكاریه‌مان له‌سه‌رۆكایه‌تی ئه‌نجومه‌نی وه‌زیران كردووه، به‌ڵام هێشتا به‌ئه‌نجام نه‌گه‌یشتووه‌و چاوه‌ڕوانی وه‌ڵام ده‌كه‌ین له‌وباره‌یه‌وه".
| 
شاندێکی زانایانی تورکیاو یەمەن و مەغریب لە ئەکادیمیای جیهانی زانایانی تەسەوف سەردانی مەکتەبی تەنفیزی یەکێتی زانایان دەکات
