عه‌بدوڵا عه‌بدولعه‌زیز پاشای سعودیه بڕیاری دا ته‌نها ده‌سته‌ی گه‌وره زانایان بۆیان هه‌یه فه‌توا بده‌ن.
ئه‌و بڕیاره‌ی مه‌لیكی سعودیه، ته‌نها ئه‌و فه‌توایانه ده‌گرێته‌وه، كه شتی ئاشكران، به‌و مانایه‌ی په‌یوه‌ستی به هه‌موو خه‌ڵكه‌وه هه‌یه، كه بۆ ئه‌م فه‌توایانه ته‌نها ده‌سته‌ی گه‌وره زانایان بۆیان هه‌یه فه‌توای لێبده‌ن، یان كه‌سێك شێخ عه‌بدولعه‌زیز ئال شێخ موفتی سعودیه رێگه‌ی پێ بدات.
ئه‌م بڕیاره له‌لایه‌ن زۆربه‌ی زانایانه‌وه به باشه پێشوازی لێكرا، چونكه پێیان وابوو، ئه‌م بڕیاره ده‌بێته هه‌نگاوێكی مه‌زن بۆ رێگه‌گرتن له‌و فه‌توا شازانه‌ی ده‌درێن چ ئه‌وانه‌ی فه‌توای تووند ده‌ده‌ن یان ئه‌وانه‌ی زیاد له حه‌د ئاسانكاری ده‌كه‌ن، كه له‌م دواییه وه‌ك دیارده‌یه‌ك له سعودیه ده‌ركه‌وتووه، ئه‌مانه هه‌میشه گرفت بۆ هاووڵاتیانیش دروست ده‌كات، بۆیه ئه‌و زانایانه پێیان وایه ئه‌م بڕیاره ره‌هه‌ندی زۆر شه‌رعی هه‌یه‌‌و، ده‌ره‌نجامی حاڵیبوونه له واقیع‌و، هه‌روه‌ها متمانه‌بوونه به زانایانی ئه‌و وڵاته.
جێی گووتنه، له نێو زۆربه‌ی ئه‌و وڵاتانه‌ی پشت به مه‌رجه‌عێكی فه‌توا نابه‌ستن، زۆر جار فه‌توای دژ به یه‌ك ده‌رده‌كرێت‌و، له ئه‌نجامدا خه‌ڵك تووشی گرفت‌و دڵه‌ڕاوكێ ده‌بێت.
| 
شاندێکی زانایانی تورکیاو یەمەن و مەغریب لە ئەکادیمیای جیهانی زانایانی تەسەوف سەردانی مەکتەبی تەنفیزی یەکێتی زانایان دەکات
