رۆژنامه‌ی ئۆرشه‌لیم پۆستی ئیسڕائیلی رایگه‌یاند: كۆمه‌ڵه كاریكارستێكی موسڵمان به هۆی بڵاوكردنه‌وه‌ی وێنه‌یه‌كی كاریكاتێری دژ به هۆڵۆكۆستی جوله‌كه‌كان دراونه‌ته دادگا.
له درێژه‌ی هه‌واڵه‌كه‌دا هاتووه: دوای ئه‌وه‌ی كۆمه‌ڵه موسڵمانێكی دانیماركی له وێنه‌یه‌كی كاریكاتێریدا هۆلۆكۆست به شتێكی بێ بنه‌ما وێنا ده‌كه‌ن، دادگایه‌كی دانیماركی به بڕی 2500 یۆڕۆ (3200 دۆلار) سزایان ده‌دات‌و بۆ ماوه‌ی دوو ساڵیش ده‌یانخاته ژێر چاودێری.
له لێدوانێكی دادگاكه‌یش بۆ ده‌زگاكانی راگه‌یاندندا هاتووه: خه‌ڵك ئازاده له ده‌ربڕینی ڕاو بۆ چوونی خۆی، به‌ڵام به هیچ جۆرێك نابێ باس له هۆڵۆكۆست بكرێت.
له لایه‌ن خۆیشیانه‌وه كاریكاتێریسته‌كان ده‌ڵێن: ئێمه ئه‌م كاریكاتێره‌مان له دژی ئه‌و كاریكاتێرانه بڵاو كرده‌وه كه له ساڵی 2006 بێ رێزی نواند به‌رامبه‌ر به ئێمه‌ی موسڵمان‌و پێغه‌مبه‌ره‌كه‌مان (دروودی خوای له‌سه‌ر بێت) كه ئه‌و كات‌و تا ئێستایش دادگا بێ ده‌نگه له ئاستی، ئه‌مه یه‌كه‌مین كاری ئێمه‌یش نیه له‌سه‌ر ئه‌م بابه‌ته، به‌ڵكو هه‌ر له‌و كاته‌وه تا ئێستا چه‌ندین كارێكاتێری وامان بڵاوكردۆته‌وه.
پرسیار ئه‌وه‌یه: ئایا ده‌بێ پتر له ملیارێك موسڵمان ئه‌وه‌نده‌ی چه‌ند ملیۆن جوله‌كه‌یه‌ك رێز له هه‌ستیان نه‌گیرێت.
| 
شاندێکی زانایانی تورکیاو یەمەن و مەغریب لە ئەکادیمیای جیهانی زانایانی تەسەوف سەردانی مەکتەبی تەنفیزی یەکێتی زانایان دەکات
