رۆژی 2/9/2010 به‌رێز (ملاعبدالله ملاسعید) سه‌رۆكی یه‌كێتی زانایانی ئاینی ئیسلامی كوردستان سه‌ردانی لقی سۆرانی یه‌كێتی زانایانی كردو، له‌لایه‌ن به‌رپرسی لق (مه‌لا خالد مه‌له‌كی) و كارگێرانی لقه‌وه به گه‌رمی پێشوازی لێكراو، خۆشحالی خۆیان ده‌ربڕی بۆ ئه‌و سه‌ردانه‌و، هیوای سه‌ركه‌وتنیان بۆخواست.
له لایه‌ن خۆشیه‌وه سه‌رۆكی یه‌كێتی زانایان به‌لێنی خزمه‌تكردن و كاركردن له پێناو به‌ره‌و پێشبردنی سه‌نگ و قورسایی زانایان له‌كوردستان دووپاتكرده‌وه.
پێش نیوه‌رۆی هه‌مان رۆژ به یاوه‌ری شاندێكی لقی سۆرانی یه‌كێتی زانایان كه پێك هاتبوون له‌به‌رپرس وكارگێرانی لق به‌رێز (ملاعبدالله ملاسعید ) سه‌رۆكی یه‌كێتی زانایان سه‌ردانی مه‌ڵبه‌ندی شه‌شی سۆرانی یه‌كێتی نیشتمانی كوردستانی كرد له سۆران به‌مه‌ستی پیرۆزبایی له به‌رێز (ئارێس عبدالله ) به بۆنه‌ی ده‌ست به‌كاربوونی وه‌ك لێپرسراوی مه‌لبه‌ند.
پاش به‌خێرهێنانێكی گه‌رم له‌لایه‌ن لێپرسراوو كارگێڕانی مه‌ڵبه‌نده‌وه، سه‌رۆكی زانایان ئاماژه‌ی به ڕۆلی گرنگی زانایان له‌كوردستان و ناوچه‌كه دا، كه هه‌میشه پێشه‌نگی كاروانی زانست و پاراستنی ئه‌زموونی گه‌له‌كه‌مان بوونه‌و، هه‌میشه له‌گه‌ڵ ئه‌ركه ئاینه‌كانیاندا بواری نیشتمانی و نه‌ته‌وه‌ییشیان كردۆته ئامانجی كاركردنیان، بۆیه پێویسته هه‌موو لایه‌ك پشتیوانیان بكه‌ن بۆ به‌ره‌و پێشبردنی ره‌وشی ئاینی و نه‌ته‌وه‌یی له‌كوردستان.
له لایه‌ن خۆشیه‌وه ئارێس عبدالله خۆشحال بوو به‌و جمووجۆله نوێیه‌ی كه یه‌كێتی زانایان پێیه‌وه ده‌بینرێ و پشتیوانی خۆشی دووپات كرده‌وه بۆ زانایان و هیوای سه‌ركه‌وتنی بۆخواستن.
| 
شاندێکی زانایانی تورکیاو یەمەن و مەغریب لە ئەکادیمیای جیهانی زانایانی تەسەوف سەردانی مەکتەبی تەنفیزی یەکێتی زانایان دەکات
