لێژنەی فەتوای هەولێر لە هەشت مانگی ڕابردوو زیاتر لە (704) كێشەی هاوڵاتیانی جارەسەركردووە
ڕاگەیاندنی لقی هەولێر: مەعروف مەلاعولا روستایی
لیژنەی فەتوای هەولێر، هەموو ڕۆژانی (دووشەممە و پێنج شەممە) لەبارەگای لقی هەولێری یەكێتی زانایانی ئاینی ئیسلامی كوردستان، لە مزگەوتی صواف دانیشتنی خۆیان بەرێوەدەبەنو، خەڵكانێكی زۆر سەردانی ئەم لیژنە دەكەن ، بەمەبەستی چارەسەركردنی كێشە كۆمەڵایەتیەكانیان ، لەڕێگای شەریعەتی ئیسلامەوە .
بەرپرسی لێژنەی فەتوای هەولێر مامۆستا مەلا ئەنوەر سێبیرانی، بە نووسراوێكی فەرمی لە بەرواری 23/9/2013، پێی ڕاگەیاندین كە ئاماری كارو چاڵاكییەكانی لیژنەی فەتوای هەولێڕ لە هەشت مانگەی ڕابردوو واتە ( 1 / 1 / 2013 تاوەكو 31 / 8 / 2013 ) زاینی .
بەم شێوەی خوارەوەیە:-
1- ( 159) كێشەی تەڵاق خواردن .
2- (90) تەلاقدان، كە نووسراو كراوە بۆ دادگای هەولێر .
3- (85) كێشەی خولع .
4- (85) كێشەی دووبارەكردنەوەی مارەبڕین .
5- (64) كێشەی میرات .
6- (46) پرسیار دەربارەی كێشەی كرینو فرۆشتن
7- (90) پرسیاری دەربارەی كرین كەلو پەل بەقیست .
8- (60) پرسیار دەربارەی سولفەی خانووبەرە .
9- (25) كێشەی شیر خواردن .
بەم پێیە كۆی ئەم كێشەو داواكارییانەی لە لێژنەی فەتوای هەولێر یەكلایی كراونەتەوە گەیشتوتە (704) داواكاریو هەریەكەیان دوای بەدوادا چوونو گرتنەبەری رێگای شەرعی چارەسەرو ڕێوشوێنی تایبەتی بۆ ئەنجامدراوە .