به مهبهستی دۆزینهوهی چارهسهرێكی گونجاو بۆ كێشهی كۆمپانیاكانی حهج و عومرهی ههرێمی كوردستان سهبارهت به راگرتنی گهشتی عومره و ئهو زیانانهی كه بههۆی ئهو بڕیارهوه پێیان دهگات، پێشنیوهڕۆی ئهمڕۆ 25/5/2014 ههردوو لیژنهی ئهوقافو كاروباری ئاینی و تهندروستی و ژینگه لهپهرلهمانی كوردستان، له هۆڵی لیژنهی ئهوقاف له تهلاری پهرلهمان، لهگهڵ د.رێكهوت حهمه رهشید وهزیری تهندروستیی حكومهتی ههرێمی كوردستان و نوێنهری وهزارهتی ئهوقاف و كاروباری ئاینیی حكومهتی ههرێم و سهرۆكی یهكێتیی زانایانی كوردستان و نوێنهرانی لیژنهی فهتوای ههرێمی كوردستان و كۆمپانیاكانی حهج و عومرهی ههرێمی كوردستان كۆبوونهوه.
له كۆبوونهوهكهدا دوای گفتوگۆیهكی تێروتهسهل و بابهتیانه سهبارهت به پرسی راگرتنی گهشتی عومره و ئهو داواكاریانهی كه لهلایهن كۆمپانیاكانی حهج و عومرهی ههرێمی كوردستان پێشكهش به لیژنهی ئهوقاف و كاروباری ئاینی له پهرلهمانی كوردستان كرابوون، لهسهر ئهم بڕیارانهی خوارهوه رێككهوتن:
1 – داوا له سهرۆكایهتیی ئهنجومهی وهزیران بكرێت كه پێداچوونهوه به فهرمانی راگرتنی گهشتی عومره بكاتهوه به مهبهستی رێكخستن و تهنزیمكردنی له ژێر رێنمایی تازهی وهزارهتهكانی ئهوقاف و تهندروستیی حكومهتی ههرێمی كوردستان.
2 – دهركردنی ئهم رێنماییانه له چوار رۆژ زیاتر نهخایهنێ لهبهر بهسهرچوونی كاتی ڤیزاكانی كه لهلایهن كۆمپانیاكانی حهج و عومرهی ههرێم بۆ عورهكاران وهرگیراون.
3 – ئهو كۆمپانیانهی كه تووشی زهرهر بوون پێویسته قهرهبوو بكرێنهوه.
وه لهم بارهیهوه بهرێز ماموستا مهلا محمد وهرتی سهرۆكی لێژنهی بالای فهتوای كوردستان له لێداونێكی بۆ سایتی زانایان رایگهیاند: (ئێمه وهك لێژنهی فهتوا بریاری راگرتنی سهفهری عومرهمان نهداوه، چونکە ئێمە دهزگایهكی تهنفیزی نین تا ئهم بریاره بدهین، بهڵكو ئێمه وهك ئیرشاد و رێنوێنی كردنی هاولاتیان داوامان له هاولاتیان كردووه، خۆیان له سهفهری عومره بپارێزن، چونكه له رووی شهرعیهوه پێویسته ئهگهر نهخۆشی و پهتا له ههر ولاتێك بڵاووبوهوه، موسڵمانان به تهوایهتی خۆیان بپارێزن بۆ ئهوهی له نهخۆشی دوور بن و هەر کاتێکیش مەترسی نەما ئەوا ئاسایی دەبێتەوە، بۆیە ئێستاو هەر کاتێکی دیکە ئەگەر مەترسی نەما پێویستە هەموو ئاسانکارییەکیان بۆ بکرێت تا خەڵکی بە دڵخۆشیەوە ئەم سەفەرە پیرۆزە ئەنجام بدەن).