به پێچه‌وانه‌ی هه‌موو بۆچوون‌و دژایه‌تی‌و پێوه‌رو پیلانه‌كان، ئاینی پیرۆزی ئیسلام جیا له هه‌موو ئاین‌و دروشم‌و ئایدۆلۆژیایه‌ك، تا دژایه‌تی‌و ركابه‌ری به‌رامبه‌ر بنوێنرێ شوێنكه‌وتووان‌و بانگخوازانی روو له زیادبوون ده‌كه‌ن.
وه‌ك هه‌موو لایه‌ك ئاگاداره ماوه‌ی 2 مانگێك ده‌بێ دژایه‌تی‌و هه‌ڵچوونی نابه‌جێ‌‌و ناماقوڵانه به‌رامبه‌ر به ئیسلام‌و دروشمه‌كانی له وڵاته یه‌كگرتووه‌كانی ئه‌مه‌ریكا ده‌نگدانه‌وه‌یه‌كی زۆری دروستكردووه، كه بووه مایه‌ی سه‌رنج‌و دڵته‌نگی‌و گومانی سه‌رجه‌م موسڵمانانی جیهان‌و ئه‌مه‌ریكا به‌تایبه‌تی.
به‌ڵام ئه‌وه‌ی زیاتر مایه‌ی تێڕامان‌و سه‌رنجه: بڵاوكردنه‌وه‌ی ئاماری رێژه‌ی موسڵمان بوونه له خودی وڵاته یه‌كگرتووه‌كانی ئه‌مه‌ریكا، به‌ڵكو ته‌نها له 5 شاری ئه‌و وڵاته.
(محمد ناصر) كه به‌ڕێوه‌به‌ری سه‌نته‌ری ئیسلامیه له واشنتۆن، بۆ ده‌زگاكانی راگه‌یاندن ئاشكرای كردو گوتی: هاوكات له‌گه‌ڵا ده‌نگۆی سوتاندنی قوڕئانی پیرۆز به‌ده‌ستی قه‌شه‌یه‌كی ئه‌مه‌ریكی‌و، ناڕه‌زایی ده‌ربڕین له سه‌ر دروستكردنی مزگه‌وته‌كه‌ی (گڕاوند زیڕۆ)، ته‌نها له 5 پێنج ناوچه‌ی هه‌ریه‌ك له میریلاندو ڤێرجینیاو واشنتۆنی پایته‌خت، زیاتر له 180 ئه‌مه‌ریكی به پیاوو ئافره‌ت‌و به ته‌مه‌نی جیاواز موسڵمانبوونی خۆیان ئاشكرا كردووه.
شایانی باسه، زۆری رێژه‌ی موسڵمانبوونی به‌رچاوی ئه‌مه‌ریكیه‌كان به به‌راورد له‌گه‌ڵا وڵاتانی تر زۆر به‌رچاوه‌و، ئه‌مه جگه له زۆری بوونی مزگه‌وت له‌م وڵاته‌دا، كه به‌پێی ئاماره‌كان: ته‌نها له ماوه‌ی 12 ساڵی رابردوودا زیاتر له 1200 مزگه‌وت دروستكراوه، به‌ڵام ئه‌م دژایه‌تیانه‌ی ئه‌م دواییه‌ی ده‌رهه‌ق به مزگه‌وت‌و قوڕئان، رێژه‌و ئامارو پێوانه‌كانی زیاترو زۆرتر كردووه.
| 
شاندێکی زانایانی تورکیاو یەمەن و مەغریب لە ئەکادیمیای جیهانی زانایانی تەسەوف سەردانی مەکتەبی تەنفیزی یەکێتی زانایان دەکات
