سه‌ر له ئێواره‌ی رۆژی دوو شه‌ممه (27/9/2010) شاندێكی مه‌سیحیه‌كانی باشووری ئه‌فریقیای سه‌ردانی مه‌كته‌بی ته‌نفیزی یه‌كێتی زانایانی ئایینی ئیسلامی كوردستانیان كرد.
شاندی باشووری ئه‌فریقیا پێكهاتبوو قه‌شه دێرك ستون‌و، ئه‌ندرۆ لێپرسراوی رێكخراوی ئۆپن دۆر‌و، جۆرج له رێكخراوی ناوبراو، به یاوه‌ری كاك خالید جه‌مال ئه‌لبێر به‌ڕێوه‌به‌ری به‌ڕێوه‌به‌رایه‌تی كاروباری مه‌سیحیه‌كان له وه‌زاره‌تی ئه‌وقاف‌و كاروباری ئایینی حكومه‌تی هه‌رێمی كوردستان‌و، كاك حه‌كیم ئیسماعیل، كه به‌رپرسی رێكخراوێكی كوردیه له باشووری ئه‌فریقیا‌و، گرنگی به په‌یوه‌ندی نێوان كورد‌و باشووری ئه‌فه‌ریقا ده‌دات.
شانده‌كه خۆشحاڵی خۆیان ده‌ربڕی به‌و پێكه‌وه‌ژیانه‌ی له هه‌رێمی كوردستان هاتۆته دی‌و، پێیان وابوو ده‌بێ بكرێته پێشه‌نگ بۆ ئه‌وه‌ی وڵاتانی دیكه‌ی دراوسێش هه‌مان شت پێڕه‌و بكه‌ن.
له دانیشتنه‌كه‌دا، كه مه‌لا جه‌لال خه‌یلانی جێگری سه‌رۆكی زانایان‌و، چه‌ند ئه‌ندامێكی مه‌كته‌بی ته‌نفیزی‌و، به‌رپرسی لقی هه‌ولێر ئاماده‌ی بوون، مه‌لا عه‌بدوڵا مه‌لا سه‌عید سه‌رۆكی یه‌كێتی زانایان وێڕای دووپاتكردنه‌وه‌ی هه‌ماهه‌نگی‌و پێكه‌وه‌ژیان روونی كرده‌وه، ئه‌و پێكه‌وه‌ژیانه‌ی له هه‌رێمی كوردستان هه‌یه ده‌ره‌نجامی ئه‌و رۆشنبیریه مه‌زنه‌یه، كه ئیسلام فێری كردووین به‌وه‌ی هه‌میشه ده‌رگای به‌سه‌ر ئایینه‌كانی دیكه كردۆته‌وه بۆ ئه‌وه‌ی له ناو وڵاتی موسڵمانان به ئاشتی بژین، هۆكاری دووه‌میشی سیاسیه‌ت حكومه‌تی هه‌رێمی كوردستانه، بۆ ئه‌وه‌ی هه‌میشه مه‌ڵبه‌ندی فره‌یی ئایینی‌و نه‌ته‌وه‌یی بێت، ئێمه‌ش وه‌ك مامۆستایانی ئایین‌و یه‌كێتی زانایان به ته‌واوی پشتیوانی له‌و سیاسه‌ته ده‌كه‌ین.
پاشان هه‌ردوولا كۆك بوون له‌سه‌ر ئه‌وه‌ی رێگیری له‌و رێكخراوانه بكرێت، كه له په‌نای ناوی مه‌سیحیه‌ته‌وه، كێشه‌‌و ئاریشه له كوردستان ده‌هێننه‌وه، پێویسته بۆ پاراستنی تایبه‌تمه‌ندی هه‌رێمی كوردستان له گیانی خۆشه‌ویستی‌و پێكه‌وه‌ژیان رێگیری له‌وانه بكرێت.
پاشان بڕیار درا كار بۆ ئه‌وه بكه‌ن، بۆ ئه‌وه‌ی له داهاتوو باشترین په‌یوه‌ندی له نێوان هه‌ردووكیان پته‌وتر بێت‌و، له ئایینده‌شداساردان‌و هاتووچۆی به‌رده‌وام هه‌بێت.
| 
یەکێتی زانایان بە هاوبەشی سەنتەری روح ئەلحەیات دیدارێکی زانستی (چارەسەری تەندروستی لە نێوان شەریعەت و زانستی پزیشکیدا) بەرێوە دەبات
