شەوی رابردوو ۲٦-۲۷ی٦ی۲٠۱۹ زاناو کەسایەتی دیاری دەڤەری ئاکرێ و بادینان مامۆستا شێخ عەزیز شوشی کۆچی دوایی کرد، بەو بۆنەوە یەکێتی زانایانی ئایینی ئیسلامی کوردستان پرسەو هاوخەمی خۆی ئاراستەی کەس و کارو خانەوادەکەی دەکات، ئەمەی خوارەوە دەقەکەیەتی:
بەناوی خوای گەورەو میهرەبان
خانەوادەی بەڕێزی مەرحوم شێخ عەزیز شوشی
بەداخەوە هەواڵی کەسایەتی و زاناو عاریف و خواناس مامۆستا (شێخ عەزیز شوشی)مان پێگەیشت، کە بەدریژایی تەمەنی لە خزمەت ئیسلام و موسڵمانان و تەدریس و تەریقەت و خاوەن هەستی نەتەوەیی و نیشتمانی بووە، وەک کەسایەتیەکی دیاری کۆمەلایەتی جێدەستی لەخزمەتکردن و ئاشتەوایی و پرسە کۆمەڵایەتیەکان هەبووە، هاوکات جەنابیان ئەندامی لقی ئاکرێی یەکێتی زانایان- خولی رابردوو بووە.
بەو بۆنەوە پرسەو سەرەخۆشی لە خۆمان و زانایان و کەس و کارو خانەوادەو دۆستانی دەکەین، لەخوای گەورە داواکارین سەبرو ئارامی بە ماڵباتی ببەخشێت و جێگەو مەئوای خوالێخۆشبووش بەهەشتی بەرین و فیردەوسی ئەعلا بێت.
انا لله وانا الیه راجعون
یەکێتی زانایانی ئایینی ئیسلامی کوردستان
۲۷ی٦ی۲٠۱۹