هێمن هەورامی جێگری سەرۆکی پەرلەمان پیرۆزبایی خۆی ئاراستەی سەرۆک و ئەندامانی مەکتەبی تەنفیزی یەکێتی زانایان بە بۆنەی ساڵیادی دامەزراندنیەوە دەکات ئەمەی خوارەوە دەقەکەیەتی:

بەڕێز/ سەرۆکی یەکێتی زانایانی ئایینیی ئیسلامی کوردستان

بەرێزان/ ئەندامانی مەکتەبی تەنفیزی و سەرجەم مامۆستایانی ئایینی ئیسلام

بەبۆنەی تێپەڕبوونی یۆبیلی زێڕین بەسەر دامەزراندنی یەکێتی زانایان، کە لە ناوچە رزگارکراوەکانی کوردستان و لەژێر راسپارد و رێنمایی سەرۆکی بزاڤی رزگاریخوازی کوردستان مەلا مستەفا بارزانی دامەزرا، گەرمترین و جوانترین پیرۆزباییتان لێدەکەم و هیوادارم لە پێشەنگایەتیتان بۆ کاری چاکە و رێنوێنی کردنی خەڵک بە بیری نەتەوەیی و نیشتمانی و لێبوردەیی بەردەوام بن. زانایانی ئایینی ئیسلامی کوردستان، هەمیشە لە پێشەنگی خەباتی نەتەوایەتی بوون و سەرەڕایی فێرکردن و شیکردنەوەی بنەما ئاینییەکان، چەکیشیان لە شان بووە بۆ بەرگریکردن لە وڵات. وێڕایی ئەوەش لە کوردستان بە هیممەتی دیاری زانایان، هەمیشە کولتوری لێبوردەیی و پێکەوەژیان گرنگی زۆری پێدراوە،و بووەتە ناسنامەی هەر دیاری وڵاتەکەمان، وپێویستە هەموومان زیاتر دەستی پێوەبگرین و پەرەی پێ بدەین.

دووبارە پیرۆزباییتان لێدەکەم و هەمیشە هەر سەرفراز و سەرکەوتوو بن.

هێمن هەورامی

جێگری سەرۆکی پەرلەمانی کوردستان

٢٠/٩/٢٠٢٠