رۆژی 29ی3ی2021 لە نوسراوێکی فەرمیدا بەرێز ئازاد حسن احمد سەرۆکی داواکاری گشتی داوای جوڵاندنی سکاڵای کردووە لەهەمبەر ئەو سوکایەتیانەی کەسێک کە خۆی بەپیری زەردەشتیان ناساندبوو و سوکایەتی بە ئیسلام و سەرکردەی ئایینی و نەتەوەیی کورد سەلاحەددینی ئەیوبی کرد بوو.
نوسراوەکەی داواکاری گشتی ئاراستەی لێژنەی تۆمارکردنی داوای مافی گشتی هەولێر کراوەو تێیدا هاتووە: هاوپێچ لەگەڵ نووسراوماندا وێنەیەک لە نووسراوی وەزارەتی ئەوقاف و کاروباری ئایینی ژمارە (62 لە 19/3/2021) و نوسراوی یەکێتی زانایانی ئایینی ئیسلامی کوردستان ژمارە (205 لە 2ی3/2021) بۆتان رەوان دەکەین بە مەبەستی جووڵاندنی سکاڵای سزایی دژی (پیر لوقمان کەریم) بفەرموون و لە ئەنجام ئاگادارمان بکەنەوە.
شایەنی باسە یەکێتی زانایان وێرای ئاراستەکردنی ئەو داوایە لە داواکاری گشتی، بەردەوام لەسەر خەت دەبێ و چاودێری ئەو دۆسیەیە دەکات تا بە ئەنجام دەگات.
