یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   سەرۆکی یەکێتی زانایان: هەڕەشەو بێڕێزیکردن بەرامبەر مامۆستایانی ئایینی قابیلی قبوڵ نیە    *****    *****   لقی سۆرانی یەکێتی زانایان کۆدەبێتەوە چەند پرسێک گەنگەشە دەکات    *****    *****   لقی رانیەی یەکێتی زانایان کۆبوونەوەی ئاسایی خۆی ئەنجام دەدات و چەند پرسێک تاوتوێ دەکات    *****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات    *****    *****   یەکێتی زانایانی ئایینی ئیسلامی کوردستان بەبۆنەی هاتنەوەی مانگی پیرۆزی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا ياسين چیوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی شقلاوەی یەکێتی زانایان پێشوازی لە شاندێکی وەزارەتی ئەوقاف و میوانان دەکات    *****    *****   لقی شێخانی یەکێتی زانایان لەگەڵ لێژنەی فەتوا کۆبوونەوەیەکی پەیوەست بە مانگی رەمەزان ساز دەکات    *****    *****   لقی هەڵەبجەی یەکێتی زانایان لەپێشوازی مانگی پیرۆزی ڕەمەزاندا مەراسیمێک ساز دەکات   
پەیامی پیرۆزبایی یەکێتی زانایان بە بۆنەی هاتنی مانگی پیرۆزی رەمەزانەوە
به‌رواری دابه‌زاندن: 12/04/2021 : 13:16:36
قه‌باره‌ی فۆنت

 بِسْمِ اللَّهِ الرَّحْمَنِ الرَّحِيمِ


((يَا أَيُّهَا الَّذِينَ آَمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِنْ قَبْلِكُمْ لَعَلَّكُمْ تَتَّقُونَ))


به‌ بۆنه‌ی هاتنه‌وه‌ی مانگی پڕ خێری ره‌مه‌زانی پیرۆه‌وه‌، پڕ به‌دڵ پیرۆزبایی خۆمان ئاراسته‌ی سه‌رجه‌م موسڵمانان به‌گشتی‌و خه‌ڵكی كوردستان به‌ تایبه‌تی ده‌كه‌ین..


مانگی پیرۆزی رەمەزان دەرفەتێکی تایبەتە بۆ خواپەرستی و نزاو لێبوردەیی و پاکبوونەوەو ئەنجامدانی کارو هەنگاوی خێرو چاکە، وە گه‌یشتن به‌ له‌ززه‌تی ئیمانی‌و ئاسوودەیی دەروونی و به‌رجه‌سته‌بوونی دروشمه‌ ئایینیه‌كان له‌ناو كۆمه‌ڵگه‌دا‌.


لە کاتێکدا پێشوازی لەو مانگە بەخێرە دەکەین، کە هێشتا ڤایرۆسی کۆرۆنا لە هەڵکشان دایەو زۆرێک لە خۆشەویستانمان بەو هۆیەوە دەبنە قوربانی، بۆیە لەروانگەی هەستی بەرپرسیارێتی و ئیمانی و ئینسانیەوە داوا لە سەرجەم هاوڵاتیان بەگشتی و موسڵمانان بەتایبەتی دەکەین، کە پابەندی رێنماییەکانی خۆپارێزی بن و رەچاوی سەلامەتی گیانی یەکتر بکەن، ئەمە خواست و بنەمایەکی گرنگی ئایینی ئیسلامە کە زیان بە یەکتر نەگەیێنین.


هەروەک دەخوازین هەمووان بەگیانی برایانەو هەستی مرۆییەوە رێز لەو مانگە بگرین و دەستی هاوکاری و کۆمەكی و کارئاسانی و بەهاناوەچوون بۆ هەژاران درێژ بکەین و لێبوردەیی و بەخشندەیی زیاتر بایەخ پێ بدەین.


دەخوازین حکومەت چاودێری گرانبوونی کاڵاکان بکات و برا بازرگان و دوکاندارەکانیش رەچاوی دۆخ و گوزەرانی خەڵک بکەن، نەک بە گرانکردنی کاڵاو کەل و پەل و خواردەمەنیەکان بازاڕو مانگی رەمەزان ئیستیغلال بکرێت.


گرنگە له‌پێناو گه‌یشتن به‌ ره‌زامه‌ندی خوا‌و پاكبوونه‌وه‌ له‌ تاوان‌و هه‌ستی دینداری‌ و تاعەتکردن، ماڵەکانمان ئاوەدان بکەینەوەو بەنیەت و ئیخلاسەوە لە پێشوازی و خزمەتی مانگی قورئانی پیرۆز دابین و نزای خێرو سەلامەتی و نەمانی ئەم نەخۆشی و ناخۆشیە لەخوای گەروە بخوازین.


جارێكی تر پیرۆزبایی له‌گشت لایه‌ك و بەتایبەتی مامۆستایانی ئایین و نوێژخوێنان ده‌كه‌ین‌و، ئومێده‌وارین مانگی ره‌مه‌زان ببێته‌ مایه‌ی خێرو خۆشی بۆ تێكڕای موسڵمانان به‌گشتی‌و گه‌لی كورد به‌تایبه‌تی.  


 


یەکێتی زانایانی ئایینی ئیسلامی کوردستات


12ی4ی2021